2 Samweli 9:1 - KITABU KITAKATIFU

¹ Na Daudi ya vola, A veye ho mulala wa tigala ku inyumba ya Saulo, nduke kumuvera tsimbabasi kigira Jonathan?

2 Samweli 9:1 ပူးပေါင်းရင်းမြစ်များ

2 Samweli 1:26

Inze mbeye nobuvereri bunene kigira ive, Jonathan amitu wange: Ive wa nyanzidza ligali: Ubuyanzi bubwo bwa wa li bwokugenya, Bwa vita ubuyanzi bwa vakali va yanzanga.

2 Samweli 21:7

Navutswa mwami ya vererera Mefiboshethu, mwana wa Jonathan mwana wa Saulo, kigira lisuha lya Yahova lya li hagati havo, hagati ha Daudi na Jonathan, mwana wa Saulo.

2 Samweli 9:7

Na Daudi ya mu volera, U ta tia mba; kigira ligali nda ku vera tsimbabasi kigira dada wowo Jonathan na nda kwiranyira wowo Jonathan, na nda kwiranyira milimi gyosi gya Saulo dada wowo; na ive u la lagira ku imeza yange kazozo.

1 Avami 2:7

Navutswa u vere avana va Barizilai Mugileadi tsimbabasi, va ve ku yavo ava litsanga ku imeza yoyo; kigira ni ndiyo vadza ku inze lwa ndiruka Abisalom amwavo wowo.

Tsing'ano 27:10

Mulina wowo mwene, na mulina wa dada wowo, u ta va leka mba; Na u ta tsia ku inyumba yamwavo wowo ku lidiku lyekivi kikyo: Mutende u veye ahimbi a veye mulahi kuvita amwavo u veye ihale.

Matayo 10:42

Ku vosi u linwehidza mulala ku vakekeke yava kisanda kyamadzi makindu vutswa, ku lieta lyomwegidzwi, ligali mmu volera si a li nyala ligali kugotidza lidanyi lilye.

Matayo 25:40

Mwami a la tivula na a va volere, Ligali mmu volera, Kuli ga mwa kolera avamwavo vange yava vakekeke, ligali mwa kolera inze.

Marko 9:41

Ku vosi u mu letera kisandn kyamadzi kunwa kigira mu veye avandu va Kristo, ligali inze mmu volera, madanyi gege si ga li nyala kugota mba.

1 Petro 3:8

Agekiheri, mu ve nomwoyo mulala, ava koleranira tsimbabasi, ava yanzana kuli avamwavo navamwavo, nayetsimbabasi tsyomugati, navemyoyo myegehidzu:

1 Samweli 20:42

Na Jonathan ya volera Daudi, U tsie nemirembe, kigira kwinye kwombi kwisuhi ku lieta lya Yahova, ni ku vola, Yahova uyu a la va hagati hange nive, kandi hagati hekisukululwe kyange nekisukululwi kyikyo, mihiga nemihiga. Na ya twula na a tsia: na Jonathan yingira mu lidala.