2 Samweli 8:6 - KITABU KITAKATIFU

⁶ Hene yaho Daudi ya vika avaskari vo kulinda mu Siria nomu Damasko; na Vasiria va gwa avatumekiri va Daudi, ni va leta vihaanwa. Na Yahova ya ha Daudi liguuta hosi ha ya tsia.

2 Samweli 8:6 ပူးပေါင်းရင်းမြစ်များ

2 Samweli 10:19

Navami vosi ava li avatumekiri va Hadarezeri lwa va lola va guuteywi imbiri wa Israeli, va kola mirembe na Israeli, ni va va tumekira. Na ndiyo Vasiria va tia kukonya avana va Amon kandi.

2 Samweli 23:14

Na Daudi, inyinga yeyo ya li mu lugaga lwa vasikari; navasikari va Vafilisiti va li mu Bethlehemu.

2 Samweli 3:18

kalunu mu kole; kigira Yahova u voye makuva ku Daudi, na a vola, Inze nda honnya avandu vange Israeli ku makono ga Vafilisiti, noku makono gavasigu vavo vosi, nomukono gwa mutumekiri wange Daudi.

2 Samweli 5:10

Daudi ya tesa kuva umunene; kigira Yahova, Nyasaye wa mahe, ya li halala naye.

2 Samweli 7:9

na nda li halala nive hosi ha wa tsia, na nda kalaga avasigu vovo va twule imbiri wowo; na nda ku lombera lieta linene, kuli lieta lya vanene va veye mu lirova.

2 Samweli 8:14

Na ya vika avaskari kulinda mu Edom, mu Edom mwosi ya vika avaskari, navo vosi Vaedom va gwa avatumekiri va Daudi. Na Yahova ya ha Daudi liguuta hosi ha ya tsia.

2 Samweli 8:2

Na ya kuya Moabu, na ya gera nemigoye, na ya va niga va gone hasi; na ya va gera nemigoye gyiviri viitwe, nomugoye mulala mudukiru va lekwe mwoyo. Na Vamoabu va gwa avatumekiri va Daudi, ni va leta vihaanwa.

2 Samweli 8:7

Na Daudi ya vugula tsingavo tsyethahabu tsyavatumekiri va Hadadezeri, va li ni veyavala, na ya tsi leta Yerusalemi.

1 Avami 4:21

Na Solomoni yameha ku bwami bwosi kutwula ku Mugera kuduka ku kivala kya Vafilisiti, kandi kuduka ku lwako lwa Egepeti: na va leta ubusutu nokutumekira Solomoni ma diku gosi gelivamwoyo lilye.

2 Avami 1:1

Inyima welikudza lya Ahabu, Vamoabu va tinguha Israeli.

2 Avami 14:28

Vikolwa vya Jeroboam vya tigala, nevindu vyosi vya ya kola, netsingulu tsitsye, kuli ya lwana, na kuli ya galukidza Damasko, na Hamathu, mu bwami bwa Israeli, lya li lya Yuda, si vya ng'odwa mu kitabu kyetsinyinga tsyavami va Israeli?

2 Avami 18:7

Yahova ya li halala naye; hosi ha ya tsia ya gasidzwa: na ya kola bwebaali ku mwami wa Asuria, na a vula kumutumekira.

2 Avami 3:4

Na Mesha mwami wa Moabu ya li mutugi wamagondi manyingi; na ya tunga mwami wa Israeli ubwoya bwavana vamagondi tsielfu mia, nobwoya bwamagondi makole tsielfu mia.

1 Kyetsinyinga 18:13

Na ya vika avasikari veve mu Edom; na Vaedom vosi va gwa vatumekiri va Daudi. Na Yahova ya ha Daudi kuguuta hosi ha ya tsia.

2 Kyetsinyinga 17:2

Na ya vika amahe mu madala gosi ga Yuda getsingaga, na a vika ava lindi mu kivala kya Yuda, nomu madala ga Efiraim, aga dada wewe Asa ya vugula.

Zaburi 140:7

O Yahova, Mwami, tsingulu tsye lihonywa lyange, U nkingiye mutwe gwange ku lidiku lyobulwani.

Zaburi 60:10

O Nyasaye, si a li ive u ku teye? Na ive, O Nyasaye, si u la hereka amahe getu.

Tsing'ano 21:31

Iparasi i lombangwa kwetegeka ku lidiku lyobulwani; Navutswa liguuta li veye lya Yahova.

1 Samweli 13:3

Na Jonathan ya duya lihe lya VafiIisiti lya li mu Geba; na Vafilisiti va hulira. Na Saulo ya kupa kisiliva mu kivala kyosi, na a vola, Vahebraina va hulire.

1 Samweli 14:1

Na ga duka lidiku lilala, Jonathan mwana wa Saulo ya volera musolele wa mu gingira vyuma vivye, Genda kwambuke kuduka ku lugaga lwa Vafilisiti, lu veye engereka. Navutswa ya vula kuvolera dada wewe.

1 Samweli 14:15

Nelidegera lya li ho mu mahema, na mu mulimi, na hagati ha avandu vosi; avandu vomu lugaga navalanyi va degera kandi; nekivala kya degera: nelidegera lya li ho linene ligali.

1 Samweli 14:6

Na Jonathan ya volera musolele uyu wa ginga vyuma vivye, Genda, kwambuke kuduka ku lugaga lwavasindi: namusia Yahova a la ku lwanira; kigira Yahova si a veye nekyokumigalira kuhonnya ku vanyingi kinga ku vakekeke.