2 Samweli 8:4 - KITABU KITAKATIFU

⁴ Na Daudi ya mu nyaga avaskari vokunina tsifarasi, elfu ne tsimia tsitano ne tsiviri na vevirenge tsielfu makumi gaviri: Daudi ya tema tsiparasi tsyosi tsyamagari virenge, navutswa ya leka tsiparasi tsi duka magari mia.

2 Samweli 8:4 ပူးပေါင်းရင်းမြစ်များ

Litanga 49:6

O mwoyo gwange, u tingira mu makuva gavo; Ubukumi bwange, u ta sanga mu livugana lyavo; Kigira mu butima bwavo viita mundu, Kandi mu budinyu bwemyoyo gyavo va tegula lugaga.

1 Avami 10:26

Na Solomoni ya vungidza magari gelihe navasikari avokunina ku tsiparasi: na ya li namagari elfu indala ne tsimia tsine na vasikari vokunina ku tsiparasi tsielfu likumi na tsiviri, ava ya vika mu madala gamagari, na halala nomwami mu Yerusalemi.

1 Kyetsinyinga 18:4

Na Daudi ya mu nyaga magari elfu, navasikari vokunina ku tsiparasi tsielfu tsitano na tsiviri, navasikari va genda nevirenge tsielfu makumi gaviri; na Daudi ya kalaga tsiparasi tsyosi tsyamagari amaki, navutswa ya leka tsindala kutsyo tsi duki amagari mia.

Zaburi 20:7

Avalala va suuvira magari, navalala va suuvira tsiparasi; Navutswa kwinye ku la tala lieta lya Yahova Nyasaye wetu.

Kwidzulitsa 17:16

Navutswa a ta kola tsiparasi tsitsye kuva tsinyingi, kinga a tirannya avandu Egepeti mba, a duke kukola tsiparasi tsitsye kuva tsinyingi; kigira Yahova ya mu volera, Kutwula kalunu mu tirana kandi ku inzira yiyi.

Joshua 11:6

Na Yahova ya volera Joshua, U ta tia kigira yavo; kigira mugamba inyinga kuli yiyi, nda va twulidza vosi ni va gwiye avakudzu imbiri wa Israeli: u la kalaga amaki getsiparasi tsyavo, na magari gavo u la ga samba nomuliru.

Joshua 11:9

Na Joshua ya va kolera kuli Yahova ya mu laga, ya kalaga amaki getsiparasi tsyavo, na magari gavo va samba nomuliru.