2 Samweli 8:2 - KITABU KITAKATIFU

² Na ya kuya Moabu, na ya gera nemigoye, na ya va niga va gone hasi; na ya va gera nemigoye gyiviri viitwe, nomugoye mulala mudukiru va lekwe mwoyo. Na Vamoabu va gwa avatumekiri va Daudi, ni va leta vihaanwa.

2 Samweli 8:2 ပူးပေါင်းရင်းမြစ်များ

2 Samweli 12:31

Na ya leta kyova avandu ava li mu lidala, na a va vika isi wemisameno, na isi wetsimbivu tsyevivya, na isi wetsimbadzi, na a va niga kuvita hagati ha kisambiru kyamatafali: na ya kola ndiyo ku madala gosi gavana va Amon. Na Daudi navandu vosi virana Yerusalemi.

2 Samweli 8:6

Hene yaho Daudi ya vika avaskari vo kulinda mu Siria nomu Damasko; na Vasiria va gwa avatumekiri va Daudi, ni va leta vihaanwa. Na Yahova ya ha Daudi liguuta hosi ha ya tsia.

1 Avami 4:21

Na Solomoni yameha ku bwami bwosi kutwula ku Mugera kuduka ku kivala kya Vafilisiti, kandi kuduka ku lwako lwa Egepeti: na va leta ubusutu nokutumekira Solomoni ma diku gosi gelivamwoyo lilye.

2 Avami 1:1

Inyima welikudza lya Ahabu, Vamoabu va tinguha Israeli.

2 Avami 17:3

Shalimanezeru mwami wa Asuria yanegira kulwana naye; na Hoshea ya gwa mutumekiri wewe, na ya mu hilira ubushutu.

1 Kyetsinyinga 18:2

Ka ndi ya kuya Moabu: na Vamoabu va gwa vatumekiri va Daudi, na va mu letera busutu.

2 Kyetsinyinga 26:8

Na Vaamon va letera Uzia ubusutu: na lieta lilye lya landidzwa kuduka kali ha bwingiriru bwa Ege peti; kigira ya medeka tsingulu ligali.

Zaburi 108:9

Moabu ki veye kyokwisaava mu kyange; Nda sikisa kilatu kyange ku Edom; Nda kupa lwanga ku Filistia.

Zaburi 18:45

Avageni va la niala, Va la twula mbugono bwavo bwo kwivisa nelidegera.

Zaburi 60:10

O Nyasaye, si a li ive u ku teye? Na ive, O Nyasaye, si u la hereka amahe getu.

Zaburi 60:8

Moabu ki veye kyokuisava mu kyange; Nda sikisa kilatu kyange ku Edom; Filistia, u kupe lwanga kigira inze.

Zaburi 83:6

Mahema ga Edom na Vaishmaeli Moabu, na Vahagari;

Isaya 36:16

Mu ta hulira Hezekia mba: kigira mwami wa Asuria a vola, Mu kole ninze mirembe, mu twule mudze ku inze; na mu lie sa mulala muzabibu gwigwe, na sa mulala amakuyu gege, na mu nwe sa mulala amadzi ga isiongo yeye mwene:

Livalidza 24:17

Inze mmu lolanga, navutswa si i veye kalunu; Mmu henzanga, navutswa si ha veye himbi: Ing'ereng'ani i la twula ku Yakobo, Na impimbo yobwami i la vuka mu Israeli, Na i la vukanya hagati ha Moabu, Nokutsoma hasi avana vosi ve tsimbemba.

1 Samweli 10:27

Navutswa avandu vandi avekihenyehenye va vola, Mundu uyu a la kuhonnya ndi? Navo va mu lega, na si va mu letera kihaanwa. Navutswa ya kiring'ana.

1 Samweli 14:47

Lwa Saulo ya vugula ubwami ku Israeli, ya lwana navasigu veve vosi tsimbega tsyosi, ya lwana na Vamoabu, navana va Amon, na Edom, na avami va Zoba, na Vafilisiti: na ya guuta tsimbega tsyosi, kuli hosi ha ya girunkana.

1 Samweli 22:3

Inyinga yeyo Daudi ya tsia Mizipe lya Moabu: na ya volera mwami wa Moabu, Mwadza, u bugirire dada wange na mama wange, va twule ha va veye, va ve halala nive kuduka inyinga ya ndi manya kya Nyasaye a li kolera inze.

1 Samweli 22:4

Na ya va leta imbiri womwami wa Moabu: navo va menya halala naye tsinyinga tsyosi tsya Daudi ya menya mu lyevisa.