2 Samweli 7:6 - KITABU KITAKATIFU

⁶ Kigira inze si mmenya mu inyumba kutwula ku lidiku lya ndanegeridza avana va Israeli kutwula mkivala kya Egepeti, kuduka lero, navutswa nda genda mu lihema nomu lihema litakatifu.

2 Samweli 7:6 ပူးပေါင်းရင်းမြစ်များ

2 Samweli 11:11

Na Uria ya volera Daudi, Lisanduku, na Israeli, na Yuda, va menya mmasa; nomunene wange Joabu, navatumekiri vomunene wange, va menyanga mwigendanyama kulwang'amira; ga ndukira inze kutsia mu inyumba yange, nokulia, nokunwa, nokugona nomukali wange? Kuli ive u veye mwoyo, na kuli mwoyo gugwo gu veye mwoyo, inze si nda kola yaga.

1 Avami 8:16

Kutwula lidiku yilyo lya nda twulidza avandu vange Israeli mu kivala kya Egepeti, si nda tovola lidala mu tsihiri tsyosi tsya Israeli nyombake mu inyumba, lieta lyange li ve ho; navutswa nda tovola Daudi a ve igulu wa vandu vange Israeli.

Vikolwa 7:44

Vaguga vetu va li nelihema lyokulolekidza mu kyangalangwi, kuli wa ya laga, wa volera Musa, a li lombe li fwanane nekya ya lola.

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

Kwidzulitsa 23:14

kigira Yahova Nyasaye wowo a gendanga mu hokusosa, kukuhonnya, nokukuvikira havulavu vasigu vovo imbiri wowo; kigira yaga hokusosa hoho ha ve hatakatifu, gase a la lola ku ive kindu ki ta li kisiyeku, na a la girunkana kukuleka.

Joshua 18:1

Ni livugana lyosi lya avana va Israeli vevungidza halala ha Shilo, ni va singiridza lihema lyokuvugana mu ha zana: nekivala zana kya guutwa imbiri wavo.

Likunula 2:1

U ng'odere ingelosi welivugana lya Efeso: Yivi nivyo vya uyu u veye netsing'ereng'ani tsitano na tsiviri mu mukono gwigwe mulungi, u gendanga hagati hevinara vyethahabu vitano na viviri vyetsitaya, a volanga:

Vakalagi 20:27

Navana va Israeli va teva kandi ku Yahova (kigira lisanduku lyamalago ga Nyasaye lya li yo madiku yago,