2 Samweli 7:3 - KITABU KITAKATIFU

³ Na Nathan ya volera mwami, Tsia, u kole gosi aga veye mmwoyo gugwo; kigira Yahova a veye halala nive.

2 Samweli 7:3 ပူးပေါင်းရင်းမြစ်များ

2 Samweli 7:4

Nobu diku yibwo, likuva lya Yahova lya duka ku Nathan, ni li vola,

1 Avami 1:8

Navutswa Zadoku musa lisi, na Benaia mwana wa Jehoiada, na Nathan muprofeti, na Shimei, na Kei, na avetsingulu ava li vandu va Daudi, si va li halala na Adonija mba.

2 Avami 4:27

Nayelwaya duka ku mundu wa Nyasaye mu kigulu, ya mu gumira virenge. Na Gehazi yisunda ahimbi kumutwulidza; navutswa mundu wa Nyasaye ya mu volera, Mu leke a ve: kigira mwoyo gwigwe gu veye nobululu muye; na Yahova u visi ku inze, a vule kumbuulira.

1 Kyetsinyinga 22:7

Na Daudi ya volera mwana wewe Solomoni, Inze mwene, nda li ni ng'anagana mu mwoyo gwange kwombaka inyumba i ve yelieta lya Yahova Nyasaye wange.

1 Kyetsinyinga 28:2

Ma mwami Daudi ya singira nevirenge vivye, na a vola, Mu hulire inze, avamitu, na mwinye avandu vange: makuva gange, ga nda saavira mu mwoyo gwange kwo mbaka inyumba yobusosi yelisanduku lyamalago ga Yahova, i ve intebe vevirenye vya Nyasaye wetu; na nda li ni mali kwetegeka kulyombaka.

1 Kyetsinyinga 29:29

Na vikolwa vyomwami Daudi, vyokutanga nevyekiheri, henza, vya ng'odwa mu makuva ga Samweli muloli, nomu makuva ga Nathan muprofeti, nomu makuva ga Gadi muloli,

2 Kyetsinyinga 29:25

Na ya vika Valevi mu inyumba ya Yahova halala nevikuli, nobu kana, nobukana bwemigoye, kuli lilaga lya Daudi, na Gadi muloli womwami, na Nathan muprofeti; kigira lilagana lya twula ku Yahova ku vaprofeti veve.

Zaburi 20:4

A ku he vyomwoyo gugwo gwenyanga, Kandi a dukidze amakuva gogo gosi.

Zaburi 37:4

Weyanzidze mwene mu Yahova; Naye a la ku ha vyomwoyo gugwo gu saalanga.

1 Yohana 2:27

Navutswa mwinye, livaka lya mwa nyola kuye li menya mu mwinye, kandi si mwenya mundu kali mulala kumwegidza; navutswa kuli livaka lilye li mwegidza ku vindu vyosi, kandi li veye lyeligali, kandi si li veye lyobubehi, kandi kuli wa lya mwegidza mu menya muye.

1 Samweli 10:7

Na ga la va, vilolekidzu yivi lwa vi duka ku ive, u kole kuli u lola bulahi kukola; kigira Nyasaye a veye halala nive.

1 Samweli 14:7

Na uyu wa ginga vyuma vivye ya mu volera, Kola gosi ga u lola kuva malahi mu mwoyo gugwo: girunkana, henza, inze mbeye halala nive kuli mwoyo gugwo.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.