2 Samweli 7:24 - KITABU KITAKATIFU

²⁴ Na wesingeridzira avandu vovo Israeli va ve avandu ku ive mihiga nemihiga; na ive, Yahova, wa duka kuva Nyasaye wavo.

2 Samweli 7:24 ပူးပေါင်းရင်းမြစ်များ

Litanga 17:7

Kandi nda singeridza lilagana lyange hagati hange na ive na visukululwi vivyo inyima wowo, mu visukululwi vyavo li ve lilagana lyemihiga nemihiga, nduke kuva Nyasaye ku ive noku visukululwi vivyo inyima wowo.

Litanga 17:8

Kandi nda ha ive na visukululwi vivyo inyima wowo, kivala kya limenya lilyo, kivala kyosi kya Kanani, ki ve miyandu gyemihiga nemihiga; na nda va Nyasaye wavo.

2 Samweli 7:23

Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

2 Samweli 7:25

Na ka lunu, O Yahova Nyasaye, likuva lya u voye ku makuva gomutumekiri wowo, noku genyumba yeye, u li singeridze mihiga nemihiga, na u kole kuli u voye.

1 Kyetsinyinga 17:22

Ki gira wa kola avandu vovo Israeli kuva avandu vovo mwene mihiga nemihiga; na ive, Yahova, wa gwa Nyasaye wavo.

Zaburi 48:14

Kigira Nyasaye uyu ni Nyasaye wetu mihiga nemihiga: A la va mwimiriri wetu kuduka likudza.

Kutwula 15:2

Yahova a veye tsingulu tsyange nolwimbu lwange, Kandi u gweye ubuhonnyi ku inze: Uyu a veye Nyasaye wange, na nda mwidzominya; A veye Nyasaye wa vaguga vange, nda mu kuminya.

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Jeremia 31:1

Yahova a vola, inyinga yeyo nda va Nyasaye wobwiko bwosi bwa Israeli, navo va la va avandu vange.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Jeremia 32:38

Navo va la va avandu vange, na inze nda va Nyasaye wavo:

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Yohana 1:12

Navutswa vosi ava mu bugirira, ya va ha tsingulu kugwa avana va Nyasaye, va zana ava suuvira lieta lilye:

Kwidzulitsa 26:18

na Yahova weyami ive lero ndi kuva ihiri yeye mwene, kuli ya ku suuviridza, kandi ga ku dukira kugumira lilaga lilye lyosi;

Kwidzulitsa 27:9

Musa navasalisi Valevi va volera Israeli vosi, ni va vola, U kiring'ane u hulire, O Israeli: Lero u gwiye avandu va Yahova Nyasaye wowo.

Kwidzulitsa 32:6

Lisantidza lya mu hedzanga Yahova ni yili, Mwinye avandu avasiru, ava ta li nobugeeri? Si a li dada wowo wa ku gula? Niye wa ku lomba, nokukudinyeridza.

1 Petro 2:10

mwinye ava vula kuva vandu mu matsyambiri, navutswa kalunu mu veye avandu va Nyasaye: ava vula ku verererwa, navutswa kalunu mu verereywi.