2 Samweli 7:23 - KITABU KITAKATIFU

²³ Kandi ni ihiri ki mu lirova i veye kuli avandu vovo, kuli Israeli, ava Nyasaye ya tsia kwegulira va ve avandu veve, nokwenyolera lieta, nokumukolera vindu vinene, vindu vyokutihidza kigira kivala kikyo, imbiri wavandu vovo, ava wa gula va ve avovo kutwula Egepeti, kutwula mu tsihiri nomu vanyasaye vavo?

2 Samweli 7:23 ပူးပေါင်းရင်းမြစ်များ

2 Samweli 7:24

Na wesingeridzira avandu vovo Israeli va ve avandu ku ive mihiga nemihiga; na ive, Yahova, wa duka kuva Nyasaye wavo.

1 Kyetsinyinga 17:21

Ka ndi ha veye na ihiri ki mu lirova i veye kuli avandu vovo Israeli, ava. Nyasaye ya tsia kutungira va ve avandu veve mwene, a duke kukulo mbera lieta ku vindu vinene vyoku tihidza, ku likunga tsihiri tsi twule imbiri wavandu vovo, va ive wa tu ngira kuvatwulidza Egepeti?

Nehemia 1:10

Kunangwa avandu yava va veye avatumekiri vovo, na avandu vovo, ava ive wa honnya netsingulu tsitsyo tsinene, nomukono gugwo gwetsingulu.

Zaburi 106:22

Miyinzi gyobugenyi mu kivala kya Ham, Na vindu vyokutihidza ha Inyanza Inzakanyu.

Zaburi 111:9

U leteye avandu veve ubuhonnyi; U lagi lilagana lilye li ve ho mihiga nemihiga: Lieta lilye li veye litakatifu na lyokutibwa.

Zaburi 145:6

Na avandu va la vola ku tsingulu tsyelikola lilyo lyokutihidza; Na inze nda landidza ubunene bubwo.

Zaburi 147:20

Si ya kolera ihiri yindi kali indala kuli yaga mba; Na ku miima gyigye si va gyi manya mba. Mwidzominye Yahova.

Zaburi 40:5

O Yahova Nyasaye wange, miyinzi gyokugenya gya u koli gyi veye minyingi, Na tsiganagani tsitsyo itsi veye ku kwinye: Si tsi nyala kuvalidzwa ku ive; Ni mba ni nyenya kutsigamba no kutsivola, Tsi veye tsinyingi kuduka tsi ta nyala kuvalidzwa.

Zaburi 44:3

Kigira si va nyola miyandu mu kivala nekivavi kyavo avene, Kandi si gwa li mukono gwavo gwa va honnya; Navutswa mukono gugwo mulungi, nomukono gugwo, na ubulavu bwommoni mumwo Kigira wa va vererera.

Zaburi 65:5

Nevindu vyokutihidza u li ku tivulira mbulungi, O Nyasaye wobuhonywi bwetu, Ive u veye kisuuviri kyeviheri vyosi vyelirova, Kandi kya yavo ava veye ihale ku inyanza:

Zaburi 66:3

Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.

Kutwula 12:12

Kigira nda vita hagati hekivala kya Egepeti mu budiku yibwo, na nda kuya avatanga kwivulwa vosi ava veye mu kivala kya Egepeti, ku vandu noku mitugu; na nda leta likalaga ku vanyasaye vosi va Egepeti: Inze mbeye Yahova.

Kutwula 33:16

Kigira, kalunu ga la manyikana ndi inze nyoye liverererwa imbiri wowo, inze na avandu vovo? Si ga li ku litsia lilyo halala nekwinye, kuduka inze na avandu vovo, kwahulwa ku avandu vosi ava veye mu lirova?

Kutwula 6:7

kandi nda vugula mwinye mu ve avandu vange, na inze nda va Nyasaye ku mwinye; na mwinye mu la manya mbeye Yahova Nyasaye wenyu, u twulidzanga mwinye ku misigo gya Avaegepeti.

Kutwula 9:15

Kigira kalunu nkano mmali kunyira mukono gwange, nokuduya ive na avandu vovo nolukudzo ludamano, na ive nkano u twulidzeywi mu lirova:

Kutwula 9:16

navutswa na geligali nda singeridza ive kigira yaga, nduke kulang'aminya ku ive tsingulu tsyange, na kandi lieta lyange li landidzwe mu lirova lyosi.

Jeremia 32:20

wa vika vilolekidzu na vyokugenya mu kivala kya Egepeti, kuduka ku lidiku lya lero, mu Israeli, na hagati na vandu vandi; nokwelombera lieta kuli ga veye lero;

Jeremia 32:21

na wa twulidza avandu vovo Israeli kutwula mu kivala kya Egepeti nevyokulolekidza nevyokugenya nomukono gwetsingulu, nomukono gwa nyirwa, nelitihidza linene;

Ezekieli 20:9

Navutswa nda kola kigira lieta lyange, li vule kwononnywa imbiri wetsimoni tsyetsihiri, ava va li hagati havo, ava ndelang'aminya imbiri wetsimoni tsyavo, mu livatwulidza mu kivala kya Egepeti.

Livalidza 6:27

Ni ndiyo va la vika lieta lyange ku avana va Israeli; na inze nda va gasidza.

Vafeso 1:6

kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

Kwidzulitsa 10:21

A veye lidzominywa lilyo, na Nyasaye wowo, wa ku kolera vindu yivi vinene vyelitihidza, vyetsimoni tsitsyo tsi loli.

Kwidzulitsa 15:15

Na u lidzulitsa ive wa li mutugwa mu kivala kya Egepeti, na Yahova Nyasaye wowo ya ku boholola: kunangwa nku laga lilaga yili lero.

Kwidzulitsa 33:29

U veye nobwelemeridzi, ive Israeli: Ibwaha u leng'ana na ive, avandu va Yahova ya honya, Ingavo yobukonyi bubwo, Kandi kivavi kyobukumi bubwo Avasigu vovo va legehidza ku ive; Na u la duvaga ha diguluku havo.

Kwidzulitsa 9:26

Na nda saala Yahova, ni mbola, O Yahova Nyasaye, u ta dividza avandu vovo, miyandu gyigyo, ava wa boholola nobunene bubwo, ava wa twulidza Egepeti nomukono gwetsingulu.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Joshua 7:9

Kigira Vakanani na avandu vosi va menya mkivala va la ga hulira na va la ku kumberidza, nokutwulidza lieta lyetu ku lirova: na ive u la kola ki ku lieta lilyo linene?

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,