2 Samweli 7:22 - KITABU KITAKATIFU

²² Kigira yaga ive u veye munene, O Yahova Nyasaye: kigira si ha li nowundi kuli ive, kandi si ha li na Munyasaye wundi navutswa ive kuli gosi ga ku huliye namatu getu.

2 Samweli 7:22 ပူးပေါင်းရင်းမြစ်များ

2 Samweli 22:32

Kigira ibwaha a veye Nyasaye, na a ta li Yahova? Nibwaha u veye lwanda na a ta li Nyasaye wetu?

1 Avami 8:23

na a vola, O Yahova, Nyasaye wa Israeli, si ha veye na Nyasaye u fwanana nive mba, migulu igulu, kinga mu lirova hasi; u dinyeridzanga lilagana netsimbabasi ku avatumekiri vovo ava gendanga imbiri wowo nemyoyo gyavo gyosi;

1 Kyetsinyinga 16:25

Kigira Yahova a veye munene nowokwidzominywa ligali: A veye wokutibwa kuvita vanya saye vosi.

2 Kyetsinyinga 2:5

Na inyumba ya nyombakanga zana i veye inene; kigira Nyasaye wetu a veye munene kuvita avanyasaye vosi.

Zaburi 135:5

Kigira mmanya Yahova a veye munene, Kandi Mwami wetu a veye igulu ku vanyasaye vosi.

Zaburi 145:3

Yahova a veye munene, na wokwi dzominywa ligali; Ubunene bu ibwe si bu nyala kwiderwa.

Zaburi 44:1

Ku huliye na amatu getu, O Nyasaye, Avaguga vetu va ku voleye, Vikolwa vya wa kola mu madiku gavo, Mu madiku ga kale.

Zaburi 48:1

Yahova a veye munene, nowokwidzominywa ligali Mu lidala lya Nyasaye wetu, mu kigulu kikye kitakatifu.

Zaburi 86:10

Kigira u veye munene, na u kolanga vyokugenva: Ive weng'ine u veye Nyasaye.

Zaburi 86:8

Si ha li nowundi hagati ha vanyasaye, u veye kuli ive, O Mwami; Si ha li nelikola lindi li veye kuli likola lilvo.

Zaburi 89:6

Kigira migulu ha veye na bwaha u nyala kuleng'anywa na Yahova? Na ibwaha a veye kuli Yahova mu avana vetsingulu,

Zaburi 89:8

O Yahova Nyasaye wa mahe, Ibwaha u veye wetsingulu, kuli ive, O Yahova? Na ubusuuvirifu bubwo bu ku kumbiridza hosi.

Zaburi 96:4

Kigira Yahova a veye munene, nokwidzominywa ligali: A veye wokutibwa kuvita avanyasaye vosi.

Kutwula 10:2

kandi u duke kuvola mu matu gomwana wowo, nomu agevisukulu vovo, vya nkoli ku Egepeti, na vilolekidzu vyange vya nkoli hagati havo; mwinye mu duke kumanya inze mbeye Yahova.

Kutwula 15:11

Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Kutwula 8:10

Naye ya vola, Mugamba. Na ya vola, Ga ve kuli likuva lilyo; u duke kumanya si ha veye nowundi u leng'ana na Yahova Nyasaye wetu.

Kutwula 8:6

Na Haruni ya nyira mukono gwigwe ku amadzi ga Egepeti; na makere ga senuka, na ga kunika kivava kya Egepeti.

Kutwula 9:14

Kigira ku inyinga yiyi nda leta maduya gange gosi ku mwoyo gugwo, noku avatumekiri vovo, noku avandu vovo; u duke kumanya si ha veye na wundi kuli inze mu lirova lyosi.

Isaya 40:18

Kunangwa Nyasaye uyu mu la mu leng'annya na bwaha? Kinga mu la mu fwanannya nolugano ki?

Isaya 40:25

Kunangwa mu la fwanannya na bwaha inze, nduke kuleng'ana nave? Mutakatifu a vola.

Isaya 45:18

Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Isaya 45:22

Mu henze ku inze, mu honnywe, mwinye avetsindulu tsyelirova tsyosikigira mbeye Nyasaye, si ha veye nowundi.

Isaya 45:5

Inze mbeye Yahova, si ha veye nowundi; si ha veye na Nyasaye wundi bugira inze. Nda boha kikenge kikyo, kali na u vuli kumanya inze;

Ezekieli 36:22

Kigira yaga u volere inyumba ya Israeli, Mwami Nyasaye a vola ndi: Inze si nkoli inkuva yiyi kigira ive, inyumba ya Israeli, navutswa nkoli kigira lieta lyange litakatifu, lya mwononnyira hagati hetsihiri tsya mwa tsia ku.

Ezekieli 36:32

Si nda kola yaga kigira mwinye, Mwami Nyasaye a vola, mu manye yaga: mu ve soni na mu timuke inkolo kigira tsinzira tsyenyu, O inyumba ya Israeli.

Danyeli 2:45

Kuli ive wa lola ligina lya twulidzwa ku kigulu bugira makono, na lya donyannya kivya, nomugasa, nobudohi, nefetha, nethahabu; Nyasaye munene u mannyi mwami amakuva gevindu vi li va ho mu madiku gadzanga: na liloto li veye lyeligali, na livuula li veye lyeligali.

Mika 7:18

Ni bwaha a veye Nyasaye kuli ive, u samehanga ubudamano, na u vitanga ku mahyolo gavatigala vemiyandu gyigye? Si ya vihirirwa madiku gosi, kigira a yanza tsimbabasi.

Kwidzulitsa 3:24

O Yahova Nyasaye, wa tanga kumannya mutumwa wowo ubunene bubwo, nomukono gugwo gwetsingulu: kigira ha veye na nyasaye ki mwigulu kinga mu lirova, u nyala ku kola kuii miyinzi gyigyo, kandi kuli likola lilyo lyetsingulu?

Kwidzulitsa 32:39

Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

Kwidzulitsa 4:35

Ga lang'aminywa ku ive, u duke kumanya Yahova niye Nyasaye; si ha veye nowundi na a ta li uyu.

Kwidzulitsa 4:39

Kunangwa u manye lero, na u vike mmwoyo gugwo Yahova a veye Nyasaye migulu nomu lirova hasi; si ha veye nowundi.

1 Samweli 2:2

Si ha veye na u veye mutakatifu kuli Yahova; Kigira si ha veye nowundi navutswa ive Kandi si ha veye nolwanda lundi kuli Nyasaye wetu.