2 Samweli 7:14 - KITABU KITAKATIFU

¹⁴ Inze nda va dada wewe, naye a la va mwana wange: na a va na a kola budamano nda mu ha mageri nempimbo yava ndu, noku liduya lyavana vavandu;

2 Samweli 7:14 ပူးပေါင်းရင်းမြစ်များ

1 Avami 11:34

Navutswa si nda twulidza ubwami bwosi mmukono gwigwe; navutswa nda mu kola a ve munene madiku gelivamwoyo lilye lyosi, kigira mutumekiri wange Daudi, wa nda tovola, kigira uyu ya gumira lilagana lyange namalago gange;

1 Avami 9:6

Navutswa ni mu girunkana ku lilonda inze, mwinye kinga avana venyu, ni mu vula kugumira lilaga lyange namalago gange ga nda vika imbiri wenyu, navutswa ni mu tsia kutumekira avanyasaye vandi, nokuvasigamira;

1 Kyetsinyinga 17:13

Inze nda va dada wewe, naye a la va mwana wange: kandi si nda twulidza kuye tsimbabasi tsyange mba, kuli nda tsi twulidza ku uyu wa tanga kuva imbiri wowo;

1 Kyetsinyinga 22:10

Uyu a lombaka inyumba i ve yelieta lyange; naye a la va mwana wange, na inze nda va dada wewe; na nda singeridza intebe yobwami bwibwe ku Israeli mi higa nemihiga.

1 Kyetsinyinga 28:6

Na ya mbolera, Solomoni mwana wowo, uyu a lombaka inyumba yange nomgidzi gwange; kigira mali kumu tovola a ve mvana wange, na inze nda va dada wewe.

Ayubu 5:17

Henza, a veye nobugasu mwldu wa Nyasaye a hedzanga mageli: Kigira yaga u ta lega amageli go Wanyala Vyosi.

Zaburi 2:7

Nda singeridza likuva: Yahova ya mbolera, Ive u veye mwana wange; Lero inze nkwivuye.

Jeremia 30:11

Kigira inze mbe halala nive, Yahova a vola, kukuhonya: kigira nda heridza ligali tsihiri yitsyo tsyosi ha nda ku salannya, navutswa si nda heridza ive mba; navutswa nda ku ha mageli nelikalaga, kandi si nda ku leka bugira kukuha mageli kali hakuzu mba.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

1 Vakorintho 11:32

Navutswa lwa ku kalagirwa, Mwami a ku hedzanga amageri, ku la vula kukalagirwa kivi halala navomulirova.

2 Vakorintho 6:18

Kandi nda va Dada wenyu, Na mwinye mu la va avana vange avayai navakana Mwami Wa Nyala Vyosi a vola.

Kwidzulitsa 8:5

Kandi u manye mmwoyo gugwo, kuli umundu a hedzanga mwana wewe amageli, ni ndiyo Yahova Nyasaye wowo a ku hedzanga.

Vahebraina 1:5

Kigira ya volera ingelosi u li ha tsinyinga tsyosi, Ive u veye Mwana wange, Inze lero nkwivuye? Kandi, Inze nda va Dada wewe Naye a la va Mwana wange?

Likunula 21:7

Uyu u guuta a la lia vindu yivi; kandi nda va Nyasaye wewe, naye a la va mwana wange.

Likunula 3:19

Ku vosi ava nyanzi, mba gayanga nokuvaha amageli: kunangwa u ve nobugulu nokweganira.