2 Samweli 7:13 - KITABU KITAKATIFU

¹³ Uyu a lombakira lieta lyange inyumba, na nda dinyeridza intebe yobwami bwibwe mihiga nemihiga.

2 Samweli 7:13 ပူးပေါင်းရင်းမြစ်များ

Litanga 49:10

Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.

2 Samweli 22:51

A hedzanga mwami wewe ubuhonnyi ubunene, Nokumannya mbake wewe tsimbabasi tsyobuyanzi, Ku Daudi nokuvisukululwi vivye kuduka mihiga nemihiga.

2 Samweli 7:16

Nenyumba yoyo nobwami bubwo vi la dinyeridzwa mihiga nemihiga imbiri wowo: nentebe yoyo yobwami i la dinye ridzwa mihiga nemihiga.

2 Samweli 7:27

Kigira ive, O Yahova wa mahe, Nyasaye wa Israeli, u vuliye inze mutumekiri wowo, na u vola, Inze nda kwombakira inyumba: ki gira yaga inze mutumekiri wowo ndoli mmwoyo gwange nku saale lisaala yili.

1 Avami 2:24

Kunangwa ka lunu kuli Yahova a veye mwoyo, wa singeridza inze, nokumbika ku intebe ya Daudi dada wange, naye niye wa nombera inyumba, kuli ya suuviridza, ligali Adonija a liitwa lero.

1 Avami 2:4

Yahova a duke kudinyeridza likuva lilye lya ya vola ku liva lyange, na a vola, Avana vovo ni va linda inzira vavo, kugenda imbiri wange mu geligali nomwoyo gwavo gwosi na roho gwavo gwosi, si u la geherwa mba (ya vola) umundu kwikala ku intebe yobwami ya Israeli.

1 Avami 2:45

Navutswa mwami Solomoni a la gasidzwa, nentebe yobwami ya Daudi i la dinyeridzwa imbiri wa Yahova mihiga nemihiga.

1 Avami 5:5

Na, henza, nsaavira kwombakira lieta lya Yahova Nyasaye wange inyumba, kuli Yahova ya volera Daudi dada wange, na a vola, Mwana wowo, wa ndi vika ku intebe yoyo yobwami mbugono bubwo, uyu a lombakira lieta lyange inyumba.

1 Avami 6:12

Ku makuva genyumba yiyi ya wa nyo mbakira, nu u va nu u genda mmalago gange, nokukola likalaga lyange, nokugumira lyeganehidza lyange kuduka kugenda mu yago; hene yaho nda dinyeridza likuva lyange ku ive, lya nda volera Daudi dada wowo.

1 Avami 8:13

Ligali mmali kukwombakira inyumba yokumenya, ho kumenya hoho mihiga nemihiga.

1 Avami 8:15

Na ya vola, Yahova, Nyasaye wa Israeli a gasidzwe, wa volera Daudi dada wange nomunwa gwigwe, naye u mali kuga dukidza nomukono gwigwe, na a vola,

1 Avami 8:19

navutswa ive si u la nyombakira inyumba mba; navutswa mwana wowo u li twula munda mumwo, uyu niye u lombakira lieta lyange, inyu mba.

2 Avami 21:4

Kandi yombaka ubwali bwundi mu inyumba ya Yahova, bwa Yahova ya vola ku makuva yaga, Nda vika lieta lyange mu Yerusalemi.

2 Avami 21:7

Kiiwananyi kyokuvadzwa kyomusala gwemisambwa, kya ya lomba, ya ki vika mu inyumba ya Yahova ya volera Daudi na mwana wewe Solomoni, na a vola, Mu inyumba yiyi, nomu Yerusalemi, lidala lya ndetovolera mu tsihiri tsyosi tsya Israeli, nda vika lieta lyange yo mihiga nemihiga;

2 Avami 8:19

Navutswa Yahova si a bugirira kwono nya Yuda, kigira mutumekiri wewe Daudi, kuli ya mu suuviridza a la mu ha itaya i ve avana veve kazozo.

1 Kyetsinyinga 28:10

Kunangwa u gelihe; kigira Yahova u ku tovoye kumwombakira inyumba ya hatakitifu: u ve mugulu, u gi lombe.

2 Kyetsinyinga 33:4

Na yombaka ubwali mu inyumba ya Yahova, ya Yahova ya vola ku makuva gayo, Lieta lyange li la va mu Yerusalemi mihiga nemi higa.

2 Kyetsinyinga 6:16

Kuna ngwa kalunu, O Yahova, Nyasaye wa Israeli, u dukidzire dada wange mutu mekiri wowo Daudi, aga wa mu suuviridza, lwa wa vola, Si u la daka umundu umusatsa mu tsimoni tsya nge wokwikala ku intebe yobwami ya Israeli; ni i va avana vovo va la linda inzira vavo yeng'ine, nokugenda mu malago gange kuli ive wa genda imbiri wange.

Ayubu 36:7

Si a twulidza tsimoni tsitsye ku lihenza valungi: Navutswa halala navami ku tsintebe A va vikanga madiku gosi, navo vidzominyangwa.

Zaburi 72:17

Lieta lilye li hindira mihiga nemihiga; Lieta lilye li la hongera kuva kuli liuva: Na avandu va la gasidzwa muye; Tsihiri tsyosi tsi la mu goha mugasu.

Zaburi 89:21

Wekigalo kyange ki la luvirira kuye Na mukono gwange gu la mu vika tsingulu.

Zaburi 89:29

Kisukululwi kikye kandi nda kola kumenya mihiga nemihiga, Na intebe yeye yobwami kuli madiku gomigulu.

Zaburi 89:4

Kisukululwi kikyo nda singiridza mihiga nemihiga Na ndombaka intebe yobwami bubwo ku makula gosi. [Selaha

Isaya 49:8

Yahova a vola ndi, Inze mmali kukutivulira inyinga yobugirirwa, nomu lidiku lyobuhonnyi nku honnyikandi nda ku linda, nda twulidza ive u ve lilagana lyavandu, u duke kudinyeridza kivala yiki, nokuvaha miyandu gya lekwa vutswa;

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Jeremia 33:17

Kigira Yahova a vola: Daudi a la vula kugehera mundu wikala ku intebe yobwami yenyumba ya Israeli mihiga nemihiga;

Ezekieli 37:25

Va la menya mu kivala kya nda ha mutumekiri wange Yakobo, kya vaguga venyu va menya mu; navo va la me nya mukyo, yava, na avana vavo, na visukulu vavo, kazozo: na mutumekiri wange Daudi a la va munene wavo madiku gosi, kuduka mihiga nemihiga.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Zekaria 6:12

mu voierane, na u vole, Yahova wa mahe a ku voleranga makuva yaga, na a vola, Henza, umundu u langwa lieta lilye Kisibu: a la sibuka ho bugono bwibwe; na a lombaka litempeli lya Yahova;

Zekaria 6:13

yee, uyu a lombaka litempeli lya Yahova; kandi naye a la ginga ubukumi, na a likala nokwameha ku intebe yeye yobwami; na a la va musalisi ku intebe yeye; na livola lyemirembe li la va hagati havo vombi.

Matayo 16:18

Ninze nku volera, Ive u veye Petro, kandi ku lwanda yilu ndombaka livugana lyange; neviribwa vye Kihadisi si vi nyala kuliguuta.

Vahebraina 3:3

Kigira uyu ya volwa kuva u dukana nobukumi kuvita Musa, kuli wa lomba inyurnba a vedzanga nelidzominywa kuvita inyumba.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.