2 Samweli 5:2 - KITABU KITAKATIFU

² Inyinga ya matsyambiri, lwa Saulo ya li mwami ku kwinye, ni ive wimirira Israeli va twula nokuvingiridza: na Yahova ya ku volera, Ive u la va mwayi wavandu vange Israeli, na u la va munene ku Israeli.

2 Samweli 5:2 ပူးပေါင်းရင်းမြစ်များ

Litanga 49:24

Navutswa buta bwibwe bwa menya netsingulu, Na tsimbamba tsyamakono gege tsya vikwa tsingulu, Namakono ga Wetsingulu wa Yakobo, (Mwayi ya twula yo, u veye a Lwanda lwa Israeli,)

2 Samweli 6:21

Na Daudi ya volera Mikali, Ga veye imbiri wa Yahova, uyu wa tovola inze imbiri wa dada wowo, na imbiri wenyumba yeye yosi, a duke kumbika kuva munene ku avandu va Yahova, igulu wa Israeli: kigira yaga nda kina imbiri wa Yahova.

2 Samweli 7:7

Hosi ha ng'endi halala navana va Israeli vosi, nda vola kindu ku ihiri sa indala ya Israeli, ya nda laga kwaya avandu vange Israeli, ni mu vola, Kigira ki mwinye mu vula kunyombakira inyumba yemisala gyemitaragwa?

2 Samweli 7:8

Kunangwa kalunu u la volera mutumekiri wange Daudi, Yahova wa mahe a ku volera, Nda ku twulidza mu kego kyamagondi, noku lilonda magondi, u duke kuva umunene ku avandu vange, Israeli;

2 Avami 20:5

Yirana, u volere Hezekia mwimiriri wavandu vange: Yahova, Nyasaye wa guga wowo Daudi, a vola, Mbuliye lisaala lilyo, na maliga gogo nga loli: henza, nda ku honnya; lidiku lya kavaka u lanegira u tsie mu inyumba ya Yahova.

1 Kyetsinyinga 11:2

Mu madiki ga vita, kali inyinga ya Saulo yameha, ni ive wimirira Israeli kuvahila kyova no kuvaleta: na Yahova Nyasaye wowo ya ku volera, Ive u la va mwayi wavandu vange Israeli, na u la va mwami ku avandu vange Israeli.

2 Kyetsinyinga 1:10

Kalunu u mbe ubugeeri neli manya, nduke kutwula nokwingira imbiri wavandu yava; kigira ni bwaha u nyala kukalagira avandu vovo yava, avanyingi?

Isaya 40:11

A laya kyayo kikye kuli mwayi, a la gumira avana vamagondi mmukono gwigwe, na a la va ginga ku kiritu kikye, na va nunanga a la vendereridza.

Isaya 55:4

Henza, mali kumuhaana a ve muloli imbiri wavandu, mwimiriri nomunene wavandu.

Ezekieli 34:23

Na nda singeridza kuvo mwayi mulala, naye a la gaya, uyu a veye mutumekiri wange Daudi, uyu a la gaya, na a la va mwayi wago.

Mika 5:4

Na a la singira nokwaya kyayo kikye netsingulu tsya Yahova, nobunene bwelieta lya Yahova Nyasaye wewe: na va la menya; kigira kalunu a la va munene kuduka ku viheri vyelirova.

Livalidza 27:17

u genda imbiri wavo, kutwula nokwingira, nokwimirira imbiri wavo, kuvatwulidza nokuvingiridza; livugana lya Yahova li ta va kuli magondi ga ta li nomwayi.

Matayo 2:6

Na ive Bethlehemu, mu kivala kyo Buyuda, Si u li mke ku vanene vo Buyuda Kigira mwami a la twula ku ive, U li va mwayi wa vandu vange Israeli

Yohana 10:11

Inze mbeye mwa yi mulahi: mwayi mulahi a haana livamwoyo lilye kigira magondi.

Vahebraina 2:10

Kigira bwa li bulahi kuye, wa lomberwa vindu vyosi kandi wevindu vyosi vyadzira kuye mu lileta avana vanyingi va duke mu bukumi, ma a mu kole mudukiru kigira ubusaliri, uyu munene wobuhonnyi bwavo.

1 Samweli 13:14

Navutswa kalunu ubwami bubwo si bu la menya mba: Yahova yenyanga mundu wolugano lwamwoyo gwigwe mwene, na Yahova u lagi uyu a ve munene ku avandu veve, kigira ive wa vula kugumira kya Yahova ya ku laga.

1 Samweli 16:1

Na Yahova ya volera Samweli, U la syomera Saulo kuduka inyingaki, kigira inze mmu suye, a vule kuva mwami ku Israeli? Wizulitse maguta mu lwiga lulwo, u tsie: nda ku tuma ku Jesse Mubeth lehemu; kigira inze nzenyoleye mwami mu avana veve.

1 Samweli 18:13

Kigira yaga Saulo ya twulidza Daudi a vule kuva ahehe kandi, na a mu kola ave munyampara ku vasikari elfu; na ya twula na yingira imbiri wetsimoni tsya avandu.

1 Samweli 18:16

Navutswa Israeli vosi na Yuda va yanza Daudi; kigira ya li na a twula na yingira imbiri wetsimoni tsyavo.

1 Samweli 18:5

Kunangwa Daudi ya twula a tsie hosi ha Saulo ya mu tuma, na ya kola nobugeeri: na Saulo ya mwamehidza ku avandu vobulwani, nenkuva yiyi ya li indahi ku avandu vosi, noku vatumekiri va Saulo kandi.

1 Samweli 25:28

Mwadza, u samehe ubukyamu bwange, inze mukana mutugwa wowo: kigira Yahova ligali a la ku lombera ive, munene wange, inyumba inkulumamu, kigira ive, munene wange, u lwananga ubulwani bwa Yahova; kandi ubudamano si bu la loleka mu ive tsinyinga tsitsyo tsyosi.

1 Samweli 25:30

Na ga la duka, lwa Yahova a la mala kukolera ive, munene wange, kuli ubulahi bwosi bwa a voye ku makuva gogo, nokukuvika kuva mwami ku Israeli,

1 Samweli 9:16

Mugamba inyinga kuli yiyi nda leta ku ive umundu u twula mkivala kya Benjamini, na u mbake maguta a ve umunene ku avandu vange Israeli; naye a la honnya avandu vange ku makono ga Vafilisiti: kigira mbenzi avandu vange, kigira lilira lyavo li duki ha mbeye.