2 Samweli 3:39 - KITABU KITAKATIFU

³⁹ Na inze lero mbeye mudedekere, kali ni mbeye mwami wa vakwa maguta; navandu yava kandi avana va Zeruia, va veye avandu avadinyu kuvita ku inze: Yahova a tunge u kolanga budamano kuli ubudamano bwibwe.

2 Samweli 3:39 ပူးပေါင်းရင်းမြစ်များ

2 Samweli 16:10

Nomwami ya vola, Mbeye na ki ku mwinye, avana va Zeruia? Kigira uyu na a nyega, kigira Yahova u mu voleye, Nyega Daudi; kunangwa ni bwaha a la vola, Kigira ki ive u kola ndi?

2 Samweli 19:13

Na mu volera Amasa, Ive si u veye kigumba kyange nenyama yange? Nyasaye a nkolere yaga nokuvita, ive nu u va nu u ta veye munyampara welihe imbiri wange kazozo ha bugono bwa Joabu.

2 Samweli 19:22

Na Daudi ya vola, Inze mbeye naki ku mwinye, avana va Zeruia, kuduka mwinye mu gwiye avasigu vange lero? Si a liitwa umundu ku vosi mu Israeli lero, kigira si mmanya ninze umwami lero ku Israeli, naho?

2 Samweli 3:38

Nomwami ya volera avatumekiri veve, Mwinye si mu manya mukulundu nomundu munene u gwiye mu Israeli lero?

1 Avami 2:32

Na Yahova a lirannya masahi gege ku mutwe gwigwe, kigira ya gwa ku avandu vaviri avobulungi navalahi kuvita mwene, nokuviita nekivavi, na dada wange Daudi si ya manya mba, navo va li, Abineri mwana wa Neri, munyampara welihe lya Israeli, na Amasa mwana wa Jetheri, munya mpara welihe lya Yuda.

1 Avami 2:9

Ku nangwa kalunu u ta mbalidza kuvula kuva nelihyolo, kigira ive u veye wobugeeri; na u la manya ni kindu ki ki kudukiranga kumukolera, na u likidza mutwe gwigwe guetsimbudze mu kilindwa halala namasahi.

1 Kyetsinyinga 22:5

Daudi ya vola, Mwana wange Solomoni a veye mwana mudoto, nenyumba i lombakirwa Yahova ga gi dukira kuva indahi ligali, lyo kwidzominywa ni yokukuminywa mu vivala vyosi: kunangwa inze nda gi lombera akiba. Ma Daudi ya lomba vindu vinyingi na a kikiri kukudza.

1 Kyetsinyinga 29:1

Na Daudi mwami ya volera livugana lyosi makuva yaga Mwana wange, Solomoni, wa Nyasaye ya tovola yeng'ine, a kikiri mwana, mudoto, na miyinzi gyi veye minene; kigira inyumba yobwami yiyi si i veye yomundu, navutswa i veye ya Yahova Nyasaye.

2 Kyetsinyinga 13:7

Na va vugana kuye avandi vamakuva ga vutswa, avadamano, vekola netsingulu ku Rehoboam mwana wa Solomoni, lwa Rehoboam ya li mwana muyai nomwoyo mudoto, na si a nyala kuvagaya.

Zaburi 101:8

Mugamba no mugamba nda twulidza avadamano vosi mu kivala; Nduke kutwulidza mu lidala lya Yahova, ava kola ubwoni vosi.

Zaburi 28:4

U va he kuli likola lyavo, na kuli ubudamano bwelikola lyavo: U va he kuli miyinzi gyamakono gavo; U va tunge madanyi gavo.

Zaburi 62:12

Kandi tsimbabasi tsyobuyanzi tsi veye tsitsyo, O Mwami; Kigira u tunganga ku avandu sa mulala kuli miyinzi gyigye.

Zaburi 7:16

Kivi kikye ki lirana ku mutwe gwigwe, Na kirage kikye ki lika ku lwote lwilwe.

Zaburi 75:10

Tsinziga tsyosi tsyavadamano, nda tsi kalaga; Navutswa tsinziga tsyavalungi tsi la gingwa.

Kutwula 21:12

Uyu u duya mundu kuduka a kudze, ligali a liitwa.

Tsing'ano 20:8

Mwami wikalanga ku intebe yelikalaga A salannyanga ubudamano bwosi netsimoni tsitsye.

Tsing'ano 25:5

U twulidze avadamano imbiri womwami Na intebe yeye yobwami i la dinyeridzwa mu bulungi.

Isaya 3:11

Bu damano bu ve ku mudamano ki la va kivi kuye; kigira a la hebwa likola lyamakono gege.

Isaya 7:4

u mu volere, Welinde, wehodzeridze; u ta tia mba, kandi u ta kudza mwoyo, kigira mikira gyiviri yigyi gyetsisese tsi vuyanga mwoki, na kigira ubutima ubululu bwa Rezin na Siria, nomwana wa Remalia.

Jeremia 38:5

Na mwami Zedekia ya va volera, Henza, a veye mmakono genyu; kigira mwami si a veye uyu u nyala kukola likuva kali lilala ku mwinye.

Danyeli 6:16

Ma mwami ya haana munwa, ni va leta Danyeli, ni va mu ta mu luhangaywa lweving'ang'a, Ma rnwami ya moloma na volera Danyeli, Nyasaye wowo wa u tumekiranga kazozo, a la ku honnya.

Livalidza 32:23

Navutswa ni mu ta kola ndiyo, henza, mwinye mu koli ubwoni imbiri wa Yahova; na mwinye mu manye ligali, ubwoni bwenyu bu la mu nvola.

Varumi 13:4

kigira a veye mutumwa wa Nyasaye ku ive kigira ubulahi. Navutswa ive nu u kola ubudamano, u tie; kigira si a gendera vutswa kivavi: kigira a veye mutu mwa wa Nyasaye, uyu wa mala kisalya kyobutima ku uyu wa kola ubudamano.

2 Timoteo 4:14

Alekisandero mutuli womu gasa ya nkola ubudamano bunyingi: Mwami a la mu tunga kuli miyinzi gyigye.

Vakalagi 9:57

na ubudamano bwosi bwa avasatsa va Shekem, Nyasaye ya vanza ku mitwe gyavo: nelilaama lya Jotham mwana wa Jerubaal lya duka kuvo.