2 Samweli 3:12 - KITABU KITAKATIFU

¹² Na Abineri ya tuma vatumwa va tsia ku Daudi mbugono bwibwe, na a vola, Kivala yiki ni kya bwaha? Kandi ya vola, Kola lilagana halala ninze, na henza, mukono gwange gu a la va halala nive, kukuletera Israeli vosi.

2 Samweli 3:12 ပူးပေါင်းရင်းမြစ်များ

2 Samweli 19:14

Na yinaminya myoyo gyavandu vosi ava Yuda, kuli mundu mulala, ni va duka kuhilira mwami avatumua, ni va vola, Wirane ive, navatumekiri vovo vosi.

2 Samweli 19:41

Na, henza, avandu vosi va Israeli va tsia ku mwami, ni va volera mwami, Kigira ki avamwavo vetu yava ava Yuda viba ive, nokuleta mwami, navandu venyumba yeye, nokumwambukidza Yordani, navandu vosi va Daudi halala naye?

2 Samweli 19:6

kigira ive u yanza yava ava dunyiranga ive, nokudunyira ava yanza ive. Kigira ive u lolekidzi lero, avanene, kandi vatumekiri si va veye kindu ku ive: kigira lero ndoli, Abisalom a va u kikiri mwoyo, na kwinye kwosi ku la kudza lero hene yaho ngano inkuva yiyi ya ka ku yanzidza ligali.

2 Samweli 3:11

Naye si a nyala kutivulira Abineri likuva lindi, kigira ya mu tia.

2 Samweli 3:13

Na Daudi ya vola, Nobulahi; nda kola lilagana halala nive; navutswa mbeye nelinigwa lilala lya nyenyanga ku ive: nalyo ni yili, ive u la vula kundola mmoni mwange, ni ga ta li u la tanga kuleta Mikali, mukana wa Saulo, lwa u duka kulola mmoni mwange.

2 Samweli 3:21

Na Abineri ya volera Daudi, nda singira ntsie, na nda vungidza Israeli vosi ku munene wange mwami, va lombe lilagana nive, na ive u duke kwameha ku vosi avomwoyo gugwo gwenyanga. Na Daudi ya tuma Abineri; naye ya tsia nemirembe.

2 Samweli 3:27

Na lwa Abineri ya li ni yirananga Hebironi, Joabu ya mbeta haluvega hagati hekiribwa kuvolerana naye galaha, naye ya mu tumita munda, na a kudza, kigira masahi ga Asaheli amwavo Joabu.

2 Samweli 3:38

Nomwami ya volera avatumekiri veve, Mwinye si mu manya mukulundu nomundu munene u gwiye mu Israeli lero?

Zaburi 62:9

Ligali avandu ava hanzahanza va veye vyavutswa, na avandu avanene va veye ububehi: Mu tsiratili va la gingika; Vosi halala va veye avahuhu kuvita mwika.