2 Samweli 24:25 - KITABU KITAKATIFU

²⁵ Na Daudi yombakira Yahova ubwaii ha zana, na ya haana vihaanwa vyokusambwa nevihaanwa vyemirembe. Na Yahova ya bugirira lisaalira kivala, neliduya lyobulwaye lya gayidzwa mu Israeli.

2 Samweli 24:25 ပူးပေါင်းရင်းမြစ်များ

Litanga 12:7

Kandi Yahova ya loleka ku Abram, na a mu volera, Inze nda ha kisukululwi kikyo kivala yiki: naye yombakira ho Yahova ubwali, wa loleka kuye.

Litanga 22:9

Na va duka ha zana ha Nyasaye ya li kumuvolera; na Abrahamu yombaka ho ubwali, na a lohidza ku tsinku, kandi ya boha Isaka mwana wewe, nokumuvika ku bwali, ku tsinku.

Litanga 8:20

Kandi Nuhu yombakira Yahova bwali; na a vugula ku tsinyama tsinifu tsyosi, noku manyonyi manifu gosi, na a leta vihaanwa vyokusambwa ku bwali.

2 Samweli 21:14

Na va ta vigumba vya Saulo nevigumba vya Jonathan mwana wewe mu kivala kya Benja mini mu Zela, mu kilindwa kya dada wewe Kishi: na va dukidza gosi agomwami ya laga. Na lwenyima ku vaga Nyasaye ya bugirira lisaala kigira kivala.

2 Samweli 24:14

Na Daudi ya volera Gadi, Inze mbeye mu kivi kinene: u ku leke ku gwe mmukono gwa Yahova; kigira tsimbabasi tsitsye tsi veye tsinene ligali; mbule kugwa mmukono gwomundu.

1 Avami 1:1

Mwami Daudi ya li musakulu nowemihiga minyingi; na va mu kunika netsingubo, navutswa si ya nyola uluya mba.

Ezekieli 16:42

Ni ndiyo ndigutidza ubutima bwange ku ive, nelikendeka lyange li la twula ku ive, na nda sosa, si nda va nobutima kandi mba.

Livalidza 17:13

Sa mulala wesunda ku lihema lya Yahova, a kudzanga: ku la kudza kwosi?

Vakalagi 21:4

Ma ga duka mugamba, avandu yavo va vuka mabwebwe, nokwombaka ubwali ha zana, na va haana vihaanwa vyokusambwa nevihaanwa vyemirembe.

Vakalagi 6:24

Hene yaho Gideoni yombakira Yahova ubwali ha zana, na ya gulika ha zana Yahova-shalom: kuduka lero ha veye mu Ofira lya Vaabieziri.

1 Samweli 13:9

Na Saulo ya vola, Ndeteri hano kihaanwa kyokusambwa, nevihaanwa vyemirembe Naye ya haana kihaanwa kyokusamb va.

1 Samweli 14:35

Na Saulo yombakira Yahova ubwali: yibu nibwo bwa li bwokutanga bwa yombakira Yahova.

1 Samweli 7:17

Na yirana kuduka Rama, kigira inyumba yeye ya li ho; na ya kalaga mu Israeli ha zana, na yombakira Yahova ubwali yo.

1 Samweli 7:9

Kunangwa Samweli ya vugula kimeme kyeligondi ki nunanga, na ya ki haana kigima ki ve kihaanwa kyokusambwa ku Yahova: na Samweli yanira Yahova kigira Israeli; na Yahova ya mu tivulira.