2 Samweli 24:17 - KITABU KITAKATIFU

¹⁷ Na Daudi, lwa ya lola ingelosi ya dividzanga avandu, ya volera Yahova, na a vola, Henza ni inze wa kola ubwoni, na nkoli ubukyamu; na vutswa magondi yaga, ga koli ki? Mwadza, mukono gugwo gu veye ku inze, noku inyumba ya dada wange.

2 Samweli 24:17 ပူးပေါင်းရင်းမြစ်များ

Litanga 18:23

Na Abrahamu yesunda himbi, na a teva, U la dividza avalungi halala navadamano?

Litanga 44:33

Kunangwa kalunu nku goonya, leka inze mutumekiri wowo mmenye mutugwa womwami wange mu bugono bwomwana uyu; na u leke mwana a tsie halala naavamwavo veve.

2 Samweli 12:13

Na Daudi ya volera Nathan, Nkoleye Yahova ubwoni. Na Nathan ya volera Daudi, Yahova u twulidzi ubwoni bubwo; u la vula kukudza.

2 Samweli 24:10

Nomwoyo gwa Daudi gwa mu duya inyima wokuvalidza avandu. Daudi ya volera Yahova Inze nkoli ubwoni ligali kigira nkoli inkuva yiyi: navutswa kalunu O Yahova, nku goonya ligali, u twulidze budamano yibu ku mutumekiri wowo; kigira ligali nda kola gobusiru.

2 Samweli 7:8

Kunangwa kalunu u la volera mutumekiri wange Daudi, Yahova wa mahe a ku volera, Nda ku twulidza mu kego kyamagondi, noku lilonda magondi, u duke kuva umunene ku avandu vange, Israeli;

1 Avami 22:17

Mikaiya ya vola, Inze nda lola Israeli vosi vasalani ku vigulu, kuli magondi ga ta li nomwayi: Yahova ya vola, Yava si va veye nomunene; virane sa mulala mu inyumba yeye nemirembe.

Ayubu 42:6

Kunangwa kigira yaga inze nzedunyira Na nzeganira mu lugukyi nomu ligoke.

Ayubu 7:20

Ni mba ni nkoli ubwoni, nkolera ki ive O ive umlindi wavandu? Kigira ki u mbiki kuva kya u henzera ku Kuduka ngwiye musigo ku mwoyo gwange?

Zaburi 32:5

Ndeyama ubwoni bwange imbiri wowo, Na si nda visa ubukyamu bwange: Nda vola, Ndeyamira Yahova mahyolo gange; Na ive wa sameha ubukyamu bwobwoni bwange. [Selaha

Zaburi 44:11

U ku haani kuli magondi ga livangwa, Na u ku salannyi mu tsihiri.

Zaburi 74:1

O Nyasaye, kigira ki u ku kungi mihiga nemihiga? Kigira ki ubutima bubwo bu vuyidza mwoki ku magondi gobwayi bubwo?

Zaburi 78:71

Kutwula inyima wa magondi aga veye na avana vago ya mu leta Kuva mwayi wa Yakobo avandu veve, na Israeli miyandu gyigye.

Kutwula 10:16

Hene yaho Farao ya langa Musa na Haruni bwangu; na ya va volera, Nkoleye Yahova Nyasaye wenyu ubwoni, noku mwinye.

Isaya 6:5

Hene yaho nda vola, Budamano bu veye bu inze kigira mbweye; kigira mbeye mundu weminwa mida mano, na mmenya hagati ha avandu aveminwa midamano: netsimoni tsyange tsi loli Mwami, Yahova wa mahe.

Jona 1:12

Naye ya va volera, Mu mbugule na mu nte mu inyanza; na ndiyo inyanza i la mu leng'erera: kigira inze mmanya ga veye kigira inze, kihi yiki kinene ki veye ku mwinye.

Zekaria 13:7

U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke.

Livalidza 16:22

Navo va gwa mammama, nokuvola, O Nyasaye, Nyasaye wa roho gya avembiri wa vosi, mundu mulala na a va na a kola ubwoni, u la dunyira livugana lyosi?