2 Samweli 23:5 - KITABU KITAKATIFU

⁵ Ligali inyumba yange si i veye ndiyo ku Nyasaye; Navutswa u lombi ninze lilagana lyemihiga nemihiga, Lya lombwa mu vindu vyosi, ni li veye lye ligali: Kigira li veye ubuhonnyi bwange bwosi, nelyenya lyange lyosi, Kali ni ya li lomba li vula kukula.

2 Samweli 23:5 ပူးပေါင်းရင်းမြစ်များ

Litanga 9:16

Na kisahi ki la va mu lilesi; ninze nda ki henza, nzidzulitse lilagana lyemihiga gyosi li veye hagati ha Nyasaye na vyosi vi veye mwoyo ku lirova.

2 Samweli 12:10

Kunangwa kalunu kivavi si ki la twula mu inyumba yoyo mihiga nemihiga, kigira u legi inze, na u vuguye mukali wa Uria Muhiti a ve mukali wowo.

2 Samweli 13:14

Navutswa si ya bugirira kuhulira mwoyo gwomukana; navutswa kigira ya li netsingulu kumuvita, ya mu niga, na a gona naye.

2 Samweli 13:28

Na Abisalom ya laga avatumekiri veve, na a vola, Henzi kalunu, Amnon lwa mwoyo gwigwe gu sangala kigira iwaini; na lwa mbolera mwinye, Kuyi Amnon, hene yaho mu mwiite; mu ta tia mba; si a ve inze u mu laga? Mu lume enkolo, mu ve avaluviriri.

2 Samweli 18:14

Hene yaho Joabu ya vola, Inze si nyala kulindagira ni livola nive ndi. Na ya vugula mibano gyivaka mmukono gwigwe, na a gyi tumita hagati ho mwoyo gwa Abi salom, lwa ya li na a kikiri mwoyo hagati homusala.

2 Samweli 7:12

Madiku gogo lwa ga duka ku ive kugona na vaguga vovo, nda singeridza ku visukululwi vivyo inyima wowo, vi li twula mmunda munwo, na nda dinyeridza bwami bwibwe.

2 Samweli 7:18

Hene yaho Daudi mwami yingira, nokwikala imbiri wa Yahova; na a vola, Inze mbeye bwaha, O Yahova Nyasaye, nenyumba yange i veye bwaha, kuduka ive u ndeti hano?

1 Avami 1:5

Hene yaho Adonija mwana wa Hagithu yiidzominya mwene, na a vola, Inze nda va mwami: na yelo mbera magai na avasikari va nina ku tsiparasi, navandu makumi gatano kunyagula imbiri wewe.

1 Avami 11:38

Na ga la va, ive nu u va nu u hulira gosi ga nku laga, no kugenda mu tsinzira tsyange, noku kola ubulungi imbiri wange, kugumira amalago gange nelilagana lyange, kuli mutumekiri wange Daudi ya kola; nda va halala nive, nda kwo mbakira inyumba yetsingulu, kuli ndombakira Daudi, nda ha ive Israeli.

1 Avami 12:14

na ya va volera makuva gava soleli na a vola, Dada wange ya kola inira yenyu indiduhu, navutswa inze nda meda inira yenyu: dada wange ya mu kuya nolukova, navutswa inze nda mu kuya netsing'e.

Zaburi 111:9

U leteye avandu veve ubuhonnyi; U lagi lilagana lilye li ve ho mihiga nemihiga: Lieta lilye li veye litakatifu na lyokutibwa.

Zaburi 119:81

Mwoyo gwange gu niala ku liyenya ubuhonnyi bubwo Navutswa nsuuvira likuva lilyo.

Zaburi 27:4

Kindu kilala ntevi Yahova, yiki nda kyenya: Mmenye mu inyumba ya Yahova madiku gange gosi, Kulola ubulahi bwa Yahova, Nokuganagana mu litempeli lilye.

Zaburi 62:2

Uyu yeng'ine a veye lwanda lwange na lihonywa lyange: A reye impinga yange; si nda dendeya ligali.

Zaburi 89:3

Nombi lilagana nomutovole wange, Nzisuhiye Daudi mutumekiri wange:

Isaya 11:1

Na ki la sibuka kisibu ku kitinya kya Jesse, no lusya lu twula ku imiri gyakyo lu laama makuyu.

Isaya 27:6

Mu madiku gadzanga Yakobo a likidza imiri; na Israeli a la lavidza kimuli nokusibuka: na va lizulitsa mmoni mwelirova makuyu.

Isaya 4:2

Mu lidiku yilyo lusya lwa Yahova lu la va lulahi nokuva nobukumi, na makuyu gelirova ga la va amalahi ligali na manolu ga ve ga yavo avahona ku Vaisraeli.

Isaya 54:10

Kigira vigulu vi la twula, notugulu tu ladikidzwa; navutswa tsimbabasi tsyobuyanzi bwange si tsi la twula ku ive mba, nelilagana lyemirembe lyange si li la twulidzwa mba, Yahova a vola, uyu u vererera Ive.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Isaya 61:8

Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Jeremia 33:21

hene yaho lilagana lyange lya nda kola na Daudi mutumekiri wange, namusia li lononywa, a luhe a vule kuva nomwana muyai kwameha ku intebe yeye yobwami na gosi aga nda kola halala na Valevi vasalisi, ava tumekiranga inze.

Ezekieli 37:26

Kandi nda kola lilagana lyemirembe halala navo; li la va lila gana lyemihiga nemihiga halala navo; nda va vika bulahi, nokuvameda, nda singeridza hatakatifu hange hagati havo mihiga nemihiga.

Amosi 9:11

Ku lidiku yilyo nda singeridza lihema lya Daudi lya gwa, nokuhana hasasuguka halyo; na nda lohidza lisalana lyalyo, na nda lyombaka kuli mmadiku gamatsyambiri;

Vikolwa 13:34

Kandi ku makuva ga ya simugukidza mu vakudzi, a tirana kandi kwoneka, a vola ndi, Nda mu ha ubugasu bwa Daudi butakatifu nobusuuviridzi.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

Vahebraina 6:19

Ku veye nalyo kuli kinanga kyomwoyo, lisuuviridzwa lilahi nelyetsingulu, kandi lingiranga kuduka nagati ha kingangwa;

1 Samweli 2:35

Ma ndesingeridzira musalisi musuuvirifu, a la kola kuli aga mbeye nago mu mwoyo gwange nmu tsiganagani tsyange: na nda mwombakira inyumba yetsingulu; na a la genda imbiri wombake wange mihiga nemihiga.

1 Samweli 25:28

Mwadza, u samehe ubukyamu bwange, inze mukana mutugwa wowo: kigira Yahova ligali a la ku lombera ive, munene wange, inyumba inkulumamu, kigira ive, munene wange, u lwananga ubulwani bwa Yahova; kandi ubudamano si bu la loleka mu ive tsinyinga tsitsyo tsyosi.