2 Samweli 23:10 - KITABU KITAKATIFU

¹⁰ Uyu ya singira, na a lwana na Vafilisiti kuduka mukono gwigwe gwa luha, nomukono gwigwe gwa handa ku kivavi; na Yahova ya kola ubu honnyi ubunene lidiku yilyo; nava ndu virana inyima wewe kulanya vutswa.

2 Samweli 23:10 ပူးပေါင်းရင်းမြစ်များ

2 Samweli 23:12

Navutswa Shama ya singira hagati homulimi, na a gu sola, ni yiita Vafilisiti; na Yahova ya kola buhonnyi bunene.

2 Avami 5:1

Kunangwa Naaman, munene welihe lyomwami wa Siria, ya li mundu munene imbiri womunene wewe, nokwidzominywa, kigira Yahova ya li na a mali kuha Vasiria liguuta nomukono gwa uyu: kandi ya li mundu welihe wetsingulu, navutswa ya li wobugere.

1 Kyetsinyinga 11:13

Uyu ya li halala na Daudi ha Pasidamim, na Vafilisiti va vugana ha zana kulwana, mulimi gwa li ho gwizula shairi; navandu viruka imbiri wa Vafilisiti.

Zaburi 108:13

Kigira Nyasaye ku la kola nobunyali: Kigira niye u la duvaga avasigu vetu.

Zaburi 144:10

Ni ive u haananga avami ku ubuhonnyi; Na u honnya Daudi mutumekiri wewe ku kivavi kyobudamano.

Zaburi 68:12

Avami va amahe viruka, viruka; Mukali u menya yengo a gavulannya vilanye.

Isaya 53:12

Kigira yaga nda mu gavulira kidieli halala na vanene, naye a la gavula vilanye halala na vetsingulu; kigira ya sundula livamwoyo lilye kuduka ku likudza, naye ya validzwa halala na vahyolanga: halala na yaga ya ginga ubwoni bwa vanyingi, kandi ya saalira yavo ava hyolanga.

Varumi 15:18

Kigira si nemi mwoyo kuvola vindu kali kilala ni vi ta li vya Kristo ya nkolidza ku lihulira lya ve Tsihiri mu livola nomu likola,

2 Vakorintho 4:5

Kigirasi kwelandidza kwinye avene, navutswa ku ilu adza Kristo Yesu niye u veye Mwami, na kwinye ku veye avatu mwa venyu kigira Yesu.

Joshua 10:10

Na Yahova ya va salannya imbiri wa Israeli, na ya viita neliita linene ha Gibeon, na a va kunga nokuvalonderera ku inzira yokwanegira Bethhoron, na a va kuya kuduka Azeka, no kuduka Makeda.

Joshua 10:42

Na avami yavo vosi, nevivala vyavo Joshua ya vugula inyinga indala kigira Yahova, Nyasaye wa Israeli ya lwanira Israeli.

Joshua 11:8

Na Yahova ya va vika mmukono gwa Israeli, na va va kuya, ni va va kunga kuduka Sidone linene, kuduka Misirefothumaim, nokuduka mwivona lya Mizipa ku luvega lwevugwi; na va va kuya, kuduka va vula kuleka mundu kali mulala kutigala.

Vakalagi 15:14

Lwa ya duka Lehi, Vafilisiti va hanzuka lwa va vugana naye: na Roho wa Yahova ya duka kuye netsingulu, nemigoye gya li ku makono gege gya gwa kuli katani yomuliru gu sambi, na vikundikiru vyagyo vya twula ku makono gege.

Vakalagi 15:18

Naye ya li nobuluhu ligali, na yanira ku Yahova, na a vola, Ive u ku heye ubuhonywi yibu bunene ku mukono gwomutumekiri wowo; na kalunu nda kudza nobuluhu, nokugwa mmukono gwa yavo ava ta kevwa.

1 Samweli 11:13

Na Saulo ya vola, Si ha veye nomundu u nyala kwiitwa lero; kigira lero Yahova u koli ubuhonnyi mu Israeli.

1 Samweli 14:23

Na Yahova ya honnya Israeli lidiku yilyo: nelihe lya vita kuduka himbi Beth-aven.

1 Samweli 14:6

Na Jonathan ya volera musolele uyu wa ginga vyuma vivye, Genda, kwambuke kuduka ku lugaga lwavasindi: namusia Yahova a la ku lwanira; kigira Yahova si a veye nekyokumigalira kuhonnya ku vanyingi kinga ku vakekeke.

1 Samweli 17:53

Navana va Israeli virana kutwula ku lilonda Vafilisiti, na va lanya vilanye mu hokusosa havo.

1 Samweli 19:5

kigira uyu ya vika livamwoyo lilye mmukono gwigwe mwene, na yiita Mufilisiti, na Yahova ya kolera Israeli vosi ubuhonnyi bunene: ive wa lola inkuva yiyi, na wa sangala; kunang va ni kindu ki kalunu ive wenya kukola ubwoni ku masahi ga ta veye nekindu, nokwiita Daudi bugira kivune?