2 Samweli 22:44 - KITABU KITAKATIFU

⁴⁴ Ive wa mbonnya ku lining'ana lyavandu vange; Wa ninda nduke kuva mutwe ku avetsihiri Avandu va nkikiri kumanya vala ntumekira.

2 Samweli 22:44 ပူးပေါင်းရင်းမြစ်များ

2 Samweli 19:14

Na yinaminya myoyo gyavandu vosi ava Yuda, kuli mundu mulala, ni va duka kuhilira mwami avatumua, ni va vola, Wirane ive, navatumekiri vovo vosi.

2 Samweli 19:9

Navandu vosi va li ni va hing'ananga mu tsihiri tsyosi tsya Israeli, ni va vola, Mwami ya ku honnya ku makono gavasigu vetu, na ya ku honnya ku makono ga Vafilisiti; na kalunu yiruki u twuli mu kivala kwiruka Abisalom.

2 Samweli 20:22

Hene yaho mukali ya tsia ku vandu vosi mu ubugeeri bwibwe. Navo va kala mutwe gwa Sheba mwana wa Bikiri, na va gu sikisira Joabu kyova. Na Joabu ya kupa kisiliva, ni va salana kuleka lidala, sa mulala ya tsia mu lihema lilye. Na Joabu yirana Yerusalemi ku mwami.

2 Samweli 3:1

Kunangwa bwa li ho ubulwani bwa madiku manyingi hagati henyumba ya Saulo nenyumba ya Daudi: na Daudi ya meda tsingulu, navutswa inyumba ya Saulo ya geha tsingulu.

2 Samweli 5:1

Kunangwa tsihiri tsyosi tsya Israeli tsya duka ku Daudi ha a Hebironi, na va mu volera, ni va vola, Henza, ku veye kigumba kikyo, nombiri gugwo.

Zaburi 110:6

A la kalaga mu tsihiri, A lizulitsa lirova mibiri mikudzu; A la duvaduva mutwe gwevivala vinyingi.

Zaburi 18:43

Ive u mbonnyi ku lihing'ana lya avandu; U nkoli kuva mutwe gwetsihiri: Avehiri ava nkikiri kumanya va la ntumekira.

Zaburi 2:8

U nteve, na nda ku ha tsihiri tsi ve miyandu gyigyo, Na vyekiheri kyelirova kuva vivyo.

Isaya 55:4

Henza, mali kumuhaana a ve muloli imbiri wavandu, mwimiriri nomunene wavandu.

Isaya 55:5

Henza, ive u la langa ihiri ya u ta manya; kandi ihiri ya vula kumanya ive, i la nyagulira ku ive, kigira Yahova Nyasaye wowo, kandi kigira uyu Mutakatifu wa Israeli; kigira u kuminyi ive.

Isaya 60:12

Kigira ihiri yeyo nobwami yibwo bu vule kukutumekira bu la diva; yee, tsihiri yitsyo tsi la dividzwa ligali.

Isaya 65:1

Avandu va vula kunyenya va nteva; nnyoleki ku yavo ava vula kunyenya: nehiri ya vula kulangwa ku lieta lyange, nda gi volera, Lola inze, lola inze.

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Hosea 2:23

Na nda mu simika mu lirova kigira inze; na nda vererera mukali uyu wa vula kuverererwa; na nda volera yava ava ta li avandu vange, Mwinye mu veye avandu vange; navo va la vola, Ive u veve Nyasaye wange.

Varumi 15:12

Kandi Isaya a vola Ki la vaho kitinya kya Jesse Kandi uyu a singira kwameha ku Tsihiri; Ave Tsihiri va la suuvira ku uyu.

Varumi 9:25

Kandi kuli a vola mu kitabu kya Hosea, Nda langa yava avandu vange ava vula kuva avandu vange; Kandi u vula kulangwa muyanze, nda mu langa muyanze.

Kwidzulitsa 28:13

Yahova a la ku kola kuva umutwe, u la vula kuva mkira; na u la va igulu yeng'ine, na u la vula kuva hasi; nu u va nu u k hulira malago ga Yahova Nyasaye a wowo, ga nku laganga lero ndi, noku gahenza nokugakola,

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.