2 Samweli 22:29 - KITABU KITAKATIFU

²⁹ Ive Yahova u veye itaya yange; Na Yahova a la lavidza kisundi kyange.

2 Samweli 22:29 ပူးပေါင်းရင်းမြစ်များ

2 Samweli 21:17

Navutswa Abishai mwana wa Zeruia ya mu honnya, na a kuya Mufilisiti, nokumwiita. Hene yaho avandu va Daudi va mwisuhira, na va vola, Ive si u la tsia kandi halala nekwinye mu lihe, gase u la siminya itaya ya Israeli.

1 Avami 11:36

Na nda ha mwana wewe ihiri indala, umutumekiri wange Daudi a duke kuva netaya yokwaaka imbiri wange madiku gosi mu Yerusalemi, lidala lya nda tovola nduke kuvika lieta lyange mu.

Ayubu 29:3

Lwa itaya yeye ya ng'ereng'ana ku mutwe gwange, Nomu kisundi nda genda ku inzira yobulavu bwibwe;

Zaburi 112:4

Mu kisundi ubulavu bu lolekanga ku avalungi: A veye netsimbabasi, neliverera, nobulungi.

Zaburi 18:28

Kigira ive u laakidza itaya yange: Yahova Nyasaye wange, a la lavidza kisundi kyange.

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 4:6

Vanyingi va vola, Ibwaha a la ku mannya ubulahi? Waakidze ubulavu bwommoni mumwo ku kwinye, O Yahova.

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Zaburi 97:11

Ubulavu bu midzirwa avalungi, Na ubusangali ku yavo ava li nomwoyo mulahi.

Isaya 50:10

Ni bwaha hagati henyu u tidzanga Yahova, na u huliranga mwoyo gwomutumekiri wewe? Uyu a gendanga mkisundi, na si a veye nobulavu, a suuvire ku lieta lya Yahova nokwidira ku Nyasaye wewe.

Mika 7:9

Ndekudzira ku ubutima bwa Yahova, kigira nda mu kolera ubwoni, a luhe a mbere, nokunkolera likalaga: a Iz ndeta mu bulavu, nda lola ubulungi bwibwe.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Yohana 12:46

Inze ntsitsi kuva ubulavu bwavomkivala, ku vosi u suuvira inze a ta menya mu kisundi.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Likunula 21:23

Kandi lidala zana si li veye nelyenya liuva, kinga mweli, okwaaka kulyo: kigira ubukumi bwa Nyasaye bwa li lavidza, kandi itaya yalyo i veye Mwana Weligondi.