2 Samweli 22:24 - KITABU KITAKATIFU

²⁴ Nda li mudukiru imbiri wewe; Nzegaya ku ubukyamu bwange.

2 Samweli 22:24 ပူးပေါင်းရင်းမြစ်များ

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

Litanga 6:9

Yivi ni visukululwi vya Nuhu. Nuhu ya li mundu mulungi, nomudukiru mu likula lilye: Nuhu ya genda halala na Nyasaye.

Litanga 7:1

Kandi Yahova ya volera Nuhu, Hamba, wingire mu liatu, ive navenyumba yoyo vosi; kigira ndoli ive u veye mulungi imbiri wange mu likula yili.

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Zaburi 17:1

O Yahova, u hulire ubulungi, u tegidze ugutu gug; o ku lilira lyange; U huliridze lisaala lyange, li twula mmunwa bugira ubugadi.

Zaburi 51:6

Henza, ive u yanzidzwa na ageligali mugati mwevivero vyange; Na mu vivero viviseywi u la nzegidza ubugeeri.

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Tsing'ano 4:23

U linde mwoyo gugwo netsingulu tsyosi Kigira vyosi vyelivamwoyo vi twula kugwo.

Yohana 1:47

Yesu ya lola Natanaeli yadza kuye, na a vola kuye, Henza, Muisraeli weligali, u ta li nobugadi

2 Vakorintho 5:11

Kunangwa kigira ku manya litibwa lyo Mwami, ku girunkannya myoyo gyavandu, navutswa ku lang'aminyeywi ku Nyasaye; na inze nsuuvira ku lang'aminyeywi mu myoyo gyenyu kandi.

Vafeso 1:4

kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi.

Vakolosai 1:21

Na mwi nye, ku matsyambiri mwa li avaluhya hlndi, kandi mwa ii avasigu ku myoyo gyenyu mu miyinzi gyenyu midamano,

Vakolosai 1:22

navutswa kalunu u mu hambannyi mu mubiri gwenyama yeye kigira likudza, a duke kumuleta imbiri wewe avatakatifu nava ta li nelihyola nava ta li nekindu kuvo:

Vahebraina 12:1

Kunangwa kigira yaga, kwinye kandi kigira ku lola ku kumbiridzeywi nelilesi linene lyavalolekidzi, ku vike ha luvega imisigo gyosi miliduhu, nobwoni bu ku kumbiridza ligali, ku nyagule nobwikudziri ku ligerana li vikeywi imbiri wetu,