2 Samweli 22:2 - KITABU KITAKATIFU

² na a vola, Yahova a veye lwanda lwange, nolugaga lwange, nomuhonnyi wange, wange ligali.

2 Samweli 22:2 ပူးပေါင်းရင်းမြစ်များ

2 Samweli 22:32

Kigira ibwaha a veye Nyasaye, na a ta li Yahova? Nibwaha u veye lwanda na a ta li Nyasaye wetu?

2 Samweli 22:33

Nyasaye uyu niye lugaga lwange lwetsingulu; Uyu yimiriranga muduliiru ku inzira yeye.

2 Samweli 23:3

Nyasaye wa Israeli ya vola, Lwanda lwa Israeli ya volera inze: Uyu wamehanga ku avandu nobulungi, Uyu yamehanga mu litibwa lya Nyasaye,

Zaburi 144:2

Wetsimbabasi tsyange, na lugaga lwange, Na munara mutambi gwange, na muhonnyi wange; Na ingavo yange, na uyu wa nzirukira kuye; Niye wa mbika igulu ku avandu vange.

Zaburi 31:3

Kigira ive u veye ulwanda lwange na ulugaga lwange; Kunangwa kigira lieta lilyo, u nzimirire, nokunzaya.

Zaburi 42:9

Nda volera Nyasaye lwanda lwange, Kigira ki u nziviriye? Kigira ki ntsitsanga nobuverereri ku lidambidza lyomusigu wa nge?

Zaburi 71:3

U ve ku inze lwanda lwobumenyi bwange, lwokwingira mu kazozo: U mali kulaga mbonywe; Kigira ive u veye lwanda lwange, na impinga yange.

Zaburi 91:2

Nda vola ku Yahova, A veye kyokwivisa mu kyange na lugaga lwange; Nyasaye wange, wa nsuuvira kuye.

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Matayo 16:18

Ninze nku volera, Ive u veye Petro, kandi ku lwanda yilu ndombaka livugana lyange; neviribwa vye Kihadisi si vi nyala kuliguuta.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

1 Samweli 2:2

Si ha veye na u veye mutakatifu kuli Yahova; Kigira si ha veye nowundi navutswa ive Kandi si ha veye nolwanda lundi kuli Nyasaye wetu.

1 Samweli 23:25

Na Saulo navandu veve va tsia kumwenya. Na va volera Daudi: kunangwa ya sulunguta ku lwanda, na ya menya mwigendanyama lya Maon. Na Saulo lwa ya hulira makuva yago, ya londerera Daudi mwigendanyama lya Maon.

1 Samweli 24:2

Hene yaho Saulo ya vugula avandu tsielfu tsivaka ava tovolwa mu Israeli vosi, na a tsia kulonderera Daudi navandu veve ku tsinyanda tsyetsimbuli tsyobulimu.