2 Samweli 21:7 - KITABU KITAKATIFU

⁷ Navutswa mwami ya vererera Mefiboshethu, mwana wa Jonathan mwana wa Saulo, kigira lisuha lya Yahova lya li hagati havo, hagati ha Daudi na Jonathan, mwana wa Saulo.

2 Samweli 21:7 ပူးပေါင်းရင်းမြစ်များ

2 Samweli 16:4

Hene yaho mwami ya volera Ziba, Henza vyosi vi veye vya Mefiboshethu vi veye vivyo. Na Ziba ya vola, Inze nsigamiranga; nduke kunyola tsimba basi imbiri wetsimoni tsitsyo, munene wange, O mwami.

2 Samweli 19:25

Na ga duka, lwa ya duka Yerusalemi kwaganira mwami, mwami ya mu volera, Mefiboshethu, kigira ki si wa londa inze?

2 Samweli 4:4

Na Jonathan, mwana wa Saulo, ya li nomwana muyai wa lema virenge. Naye ya li nemihiga gyitano lwa makuva ga Saulo na Jonathan ga twula Jezireeli; na muleri wewe ya mu ginga, neyiruka naye: na ga duka, lwa ya li nelididikana lyokwiruka, mwana uyu ya gwa, na a gwa muleema. Lieta lilye lya langwa Mefiboshethu.

2 Samweli 9:1

Na Daudi ya vola, A veye ho mulala wa tigala ku inyumba ya Saulo, nduke kumuvera tsimbabasi kigira Jonathan?

2 Samweli 9:10

Na ive u la mu limira milimi, ive, navana vovo, navatumwa vovo; na u la leta ryamo nekuvivika, mwana womunene wowo a duke kuva nevyo kulia: navutswa uyu Mefiboshethu mwana womunene wowo a la lagira ku imeza yange kazozo. Na Ziba ya li navana likumi na vatano avayai, navatugwa makumi gaviri.

2 Samweli 9:6

Na Mefiboshethu, mwana wa Jonathan, mwana wa Saulo, ya duka ku Daudi, na a gwa mammama, na a sigamira. Na Daudi ya vola, Mefiboshethu. Naye ya bugira, Henza, mbeye hano, mutumekiri wowo

2 Samweli 9:7

Na Daudi ya mu volera, U ta tia mba; kigira ligali nda ku vera tsimbabasi kigira dada wowo Jonathan na nda kwiranyira wowo Jonathan, na nda kwiranyira milimi gyosi gya Saulo dada wowo; na ive u la lagira ku imeza yange kazozo.

Kohelethu 8:2

Inze nku hedzanga likuva, U linde lilaga lyomwami, kandi li veye mu lilinda lyelisuha lya Nyasaye.

1 Samweli 18:3

Hene yaho Jonathan na Daudi va lomba lilagana, kigira ya mu yanza kuli yeyanza mwene.

1 Samweli 20:12

Na Jonathan ya volera Daudi, Yahova, Nyasaye wa Israeli, a De muloli: lwa mmala kuteva dada wange, kuli inyinga yo mugamba, kinga lidiku lya kavaka, henza ni ha va ni ha veye nekindu kilahi ku Daudi, inze si nda ku letera, nokukuvuulira kindu zana?

1 Samweli 20:15

navutswa kandi u la kolera inyumba yange bulahi mihiga nemihiga; auwa, kali inyinga ya Yahova a mali kutwulidza avasigu va Daudi sa mulala ku lirova.

1 Samweli 20:17

Na Jonathan yesuhidza Daudi hali kaviri, kigira ubuyanzi bwa ya mu yanza; kigira ya mu yanza kuli yeyanza mwene.

1 Samweli 20:42

Na Jonathan ya volera Daudi, U tsie nemirembe, kigira kwinye kwombi kwisuhi ku lieta lya Yahova, ni ku vola, Yahova uyu a la va hagati hange nive, kandi hagati hekisukululwe kyange nekisukululwi kyikyo, mihiga nemihiga. Na ya twula na a tsia: na Jonathan yingira mu lidala.

1 Samweli 20:8

Kigira yaga u nkolere ubulahi inze mutumekiri wowo, kigira u mbiki mu lilagana lya Yahova halala nive: navutswa ubudamano ni bu va ni bu veye mu inze, u nziite mwene: kigira ki u la mbila ku dada wowo?

1 Samweli 23:18

Na yavo vombi va lomba lilagana halala imbiri wa Yahova: na Daudi ya menya mu mulitu, na Jonathan ya tsia ingo wewe.

1 Samweli 24:22

Na Daudi yisuhira Saulo. Na Saulo ya tsia ingo wewe; navutswa Daudi navandu veve vanegira kutsia mu lyevisa.