2 Samweli 21:17 - KITABU KITAKATIFU

¹⁷ Navutswa Abishai mwana wa Zeruia ya mu honnya, na a kuya Mufilisiti, nokumwiita. Hene yaho avandu va Daudi va mwisuhira, na va vola, Ive si u la tsia kandi halala nekwinye mu lihe, gase u la siminya itaya ya Israeli.

2 Samweli 21:17 ပူးပေါင်းရင်းမြစ်များ

2 Samweli 14:7

Na, henza, aviko vosi va vukiye inze, mukana mutugwa wowo, na va vola, U twulidze uyu wa kuya amwavo wewe, ku duke kumwiita kigira livamwoyo lyamwavo wewe wa yiita, na ndiyo va la gotidza wemi yandu kandi. Na hene yaho va la siminya lianda lyange lya tigala, na va la vula kulekera musatsa wange lieta kinga wa tigala ku lirova.

2 Samweli 18:2

Na Daudi ya tuma avandu va twule, kidieli kya kavaka mmukono gwa Joabu, nekidieli kya kavaka mmukono gwa Abishai, mwana wa Zeruia, amwavo wa Joabu, nekidieli kya kavaka mmukono gwa Itai Mugiti. Nomwami ya volera avandu, Ligali inze mwene nda twula, ntsie halala na mwinye.

2 Samweli 18:3

Navutswa avandu va vola, Ive si u la twula mba: kigira kwinye ni kwiruka, si va la ganagana kwinye kinga inusu ku kwinye ni i kudza si va la ganagana kwinye: navutswa ive u ve mulahi kuvita tsielfu likumi ku kwinye; kigira yaga nobulahi kuvita wetegeke kukuletera ubukonyi kutwula mu lidala.

2 Samweli 22:19

Va ntwulira bwangu ku lidiku lyekivi kyange; Navutswa Yahova ya li itiru yange.

2 Samweli 22:29

Ive Yahova u veye itaya yange; Na Yahova a la lavidza kisundi kyange.

1 Avami 11:36

Na nda ha mwana wewe ihiri indala, umutumekiri wange Daudi a duke kuva netaya yokwaaka imbiri wange madiku gosi mu Yerusalemi, lidala lya nda tovola nduke kuvika lieta lyange mu.

1 Avami 15:4

Navutswa Yahova Nya saye wewe ya mu ha itaya mu Yerusalemi, kigira Daudi, kuvika mwana wewe lwenyima kuye, nokusingeridza Yerusalemi;

Zaburi 132:17

Ha zana onda kola lwiga lwa Daudi kusibuka. Nombeye mbake wange itaya.

Zaburi 144:10

Ni ive u haananga avami ku ubuhonnyi; Na u honnya Daudi mutumekiri wewe ku kivavi kyobudamano.

Zaburi 46:1

Nyasaye a veye kyo kwivisa mu kyetu, na tsingulu tsyetu, Mukonyi wa himbi ligali inyinga yekivi.

Jeremia 40:15

Hene yaho Johanan mwana wa Karea ya volera Gedalia ha Mizipa makiriri, na a vola, Mwadza, mbe munwa, ntsie na ndiita Ishmaeli mwana wa Nethania, na si ha veye nomundu u manya inkuva yiyi: kigira ki a duka kwiita ive, na Vayuda vosi ava vugana ku ive va duka kusalanywa, na litigala lya Yuda li dividzwe?

Yohana 5:35

Uyo ya li itaya yokwaaduka nokung'ereng'ana; mwinye mwa yanza kusangala mu bulavu bwibwe inyinga inkekeke.