2 Samweli 20:6 - KITABU KITAKATIFU

⁶ Na Dau'di ya volera Abishai, Kalunu Sheba mwana wa Bikiri a la ku kolera budamano kuvita bwa Abisalom ya ku kolera: ive u vugula avatumekiri vomwami wowo, u tsie navo u mu londerere, gase a lenyolera amadala getsingulu, nokuhona ku vule kumulola kandi.

2 Samweli 20:6 ပူးပေါင်းရင်းမြစ်များ

2 Samweli 10:14

Navana va Amon lwa va lola Vasiria viruki, navo kandi viruka imbiri wa Abishai, ni vingira mu lidala. Hene yaho Joabu yirana kutwula ku avana va Amon, na a duka Yerusalemi.

2 Samweli 11:11

Na Uria ya volera Daudi, Lisanduku, na Israeli, na Yuda, va menya mmasa; nomunene wange Joabu, navatumekiri vomunene wange, va menyanga mwigendanyama kulwang'amira; ga ndukira inze kutsia mu inyumba yange, nokulia, nokunwa, nokugona nomukali wange? Kuli ive u veye mwoyo, na kuli mwoyo gugwo gu veye mwoyo, inze si nda kola yaga.

2 Samweli 18:12

Nomundu uyu ya volera Joabu, Kali ni nyola ifetha elfu mmukono gwange, navutswa si nda nyira mukono gwange ku mwana womwami: kigira mwami ya laga ive na Abishai na Itai, na kwinye ni ku huliranga, na a vola, Mwelindi ligali ku vosi mundu a ta dira musoleli uyu Abisalom.

2 Samweli 18:2

Na Daudi ya tuma avandu va twule, kidieli kya kavaka mmukono gwa Joabu, nekidieli kya kavaka mmukono gwa Abishai, mwana wa Zeruia, amwavo wa Joabu, nekidieli kya kavaka mmukono gwa Itai Mugiti. Nomwami ya volera avandu, Ligali inze mwene nda twula, ntsie halala na mwinye.

2 Samweli 19:7

Kunangwa kalunu u singire, u twule, kuvolera vatumekiri vovo makuva kuvaleminya mwoyo; kigira inze nzisuha ku Yahova, ive nu u va nu u vula kutwula si a la tigala mundu kali mulala haiala nive ubudiku bwa lero yibu: nenkuva yiyi i la va indamano ku ive kuvita budamano bwosi bwa ku gwira kutwula bwana bubwo kuduka lero.

2 Samweli 2:18

Navana vavaka va Zeruia va li ha zana, Joabu, na Abishai, na Asaheli: na Asaheli ya li wetsimbiru kuli imbongo.

2 Samweli 21:17

Navutswa Abishai mwana wa Zeruia ya mu honnya, na a kuya Mufilisiti, nokumwiita. Hene yaho avandu va Daudi va mwisuhira, na va vola, Ive si u la tsia kandi halala nekwinye mu lihe, gase u la siminya itaya ya Israeli.

2 Samweli 23:18

Kandi Abishai, amwavo Joabu, mwana wa Zeruia, niye wa li munene ku vavaka zana. Naye ya ginga li timu lilye kulwana navandu tsimia tsivaka na ya viita, na ya li nelieta mu yavo vavaka.

2 Samweli 3:30

Ni ndiyo Joabu namwavo wewe Abishai viita Abineri, kigira yiita amwavo wavo Asaheli ha Gibeon mbulwani.

2 Samweli 3:39

Na inze lero mbeye mudedekere, kali ni mbeye mwami wa vakwa maguta; navandu yava kandi avana va Zeruia, va veye avandu avadinyu kuvita ku inze: Yahova a tunge u kolanga budamano kuli ubudamano bwibwe.

1 Avami 1:33

Na mwami ya va volera, Mu vugule vatumekiri avo munene wenyu halala nemwinye, munyinnye Solomoni mwana wange ku inyumbu yange yene, na mu mu sulungutidze kuduka Gihon:

1 Kyetsinyinga 11:20

Abishai, amwavo Joabu, niye wa li munene wa vavaka yavo; kigira ya ginga litimu lilye kulwana avandu tsimia tsivaka nokuviita, naye ya nyola lieta lyokwidzominywa mu yavo vavaka.

1 Kyetsinyinga 18:12

Kandi Abishai mwana wa Zeruia ya kuya avandu tsielfu likumi na tsitano na tsivaka mu Vaedom, Mwivona lya Munyu

Jeremia 8:14

Kigira ki kwikala makiriri? Mu vugane, na kwinye kwingire mu madala getsingaga, ku kiring'ane yo: kigira Yahova Nyasaye wetu u mali kukukiring'annya, nokukuha amadzi ge indulwe kunwe, kigira ku koleye Yahova ubwoni.

Marko 3:24

Ubwami ni bwavukani bwene, ubwami yibwo si bu nyala kusingira.

1 Samweli 26:6

Hene yaho Daudi ya teva, na a volera Ahimeleku Muhiti, na Abishai mwana wa Zeruia, amwavo wa Joabu, na a vola, Ni bwaha u la sulunguta halala ninze ku Saulo mmahema gege? Abishai ya vola, Inze nda sulunguta halala nive.