2 Samweli 20:22 - KITABU KITAKATIFU

²² Hene yaho mukali ya tsia ku vandu vosi mu ubugeeri bwibwe. Navo va kala mutwe gwa Sheba mwana wa Bikiri, na va gu sikisira Joabu kyova. Na Joabu ya kupa kisiliva, ni va salana kuleka lidala, sa mulala ya tsia mu lihema lilye. Na Joabu yirana Yerusalemi ku mwami.

2 Samweli 20:22 ပူးပေါင်းရင်းမြစ်များ

2 Samweli 18:16

Na Joabu ya kupa kisaliva, navandu virana kutwula mu lilonderera lya Israeli: kigira Joabu ya gayi dza avandu va vule kutsia imbiri.

2 Samweli 18:17

Na va ginga Abisalom, nokumusikisa mbogo bunene mu mulitu, navo va vungidza kuye kitumi kyamagina kinene: ma Israeli vosi viruka sa mulala ya tsia mu lihema lilye.

2 Samweli 2:28

Na Joabu ya kupa kisiliva; navandu vosi va singira, navo si va londerera Israeli kandi mba, kandi si va lwana mba.

2 Samweli 20:1

Ya li ho mundu mudamano, lieta lilye lya li Sheba, mwana wa Bikiri Mubenjamini: na ya kupa kisaliva kuvola, Kwinye si ku veye nekidieli mu Daudi, kinga si ku veye nemiyandu mu mwana wa Jesse: mundu sa mulala a tsie mu lihema lilye, mwinye O Israeli.

2 Samweli 20:16

Hene yaho mukali mulala wobugeeri ya kupa ikwili mu lidala, na a vola, Mu hulire, mu hulire, mwadza, mu volere Joabu, Udze ino, nduke kuvolerana nive.

Kohelethu 7:19

Ubugeeri bu veye tsingulu ku uyu u veye nobugeeri kuvita avamehanga likumi va veye mu lidala.

Kohelethu 8:11

Kigira likalaga likalagangwa ku likola lidamano si li kolangwa bwangu mba, kigira yaga myoyo gya avana vavandu gyi nyo langa tsingulu muvo kukola buda mano.