2 Samweli 20:16 - KITABU KITAKATIFU

¹⁶ Hene yaho mukali mulala wobugeeri ya kupa ikwili mu lidala, na a vola, Mu hulire, mu hulire, mwadza, mu volere Joabu, Udze ino, nduke kuvolerana nive.

2 Samweli 20:16 ပူးပေါင်းရင်းမြစ်များ

2 Samweli 14:2

Na Joabu ya tuma avandu Tekoa, navo va twulidza yo mukali wobugeeri, naye ya mu volera, Mwadza, wegirunkanye wekole kuva umusyomi, wevike ingubo yelisyoma, mwadza, u tevaka maguta mba, navutswa u ve kuli mukali u syomeranga wa kudza kale:

2 Samweli 20:17

Naye yisunda himbi kuye; nomukali zana ya mu teva, Ive u veye Joabu? Naye ya tivula, Ninze. Hene yaho ya mu volera, U huliridze makuva gange inze mukana mutugwa wowo. Naye ya tivula, Yee, mbulira.

2 Samweli 20:22

Hene yaho mukali ya tsia ku vandu vosi mu ubugeeri bwibwe. Navo va kala mutwe gwa Sheba mwana wa Bikiri, na va gu sikisira Joabu kyova. Na Joabu ya kupa kisiliva, ni va salana kuleka lidala, sa mulala ya tsia mu lihema lilye. Na Joabu yirana Yerusalemi ku mwami.

Danyeli 2:14

Hene yaho Danyeli ya tivula nobugeeri nobuhokya ku Arioku munyampara wavalindi vomwami, wa li na a twuli kutsia kwiita avandu vobugeeri va Babuloni;

1 Samweli 25:3

Na lieta lyomundu uyu lya langwa Nabali; na lieta lyomukali wewe lya langwa Abigaili; mukali uyu ya li wobugeeri bulahi, noweligondo lilahi ligali: navutswa musatsa uvu ya li wekivihiri nomudamano mu vikolwa vivye; naye ya li wenyumba ya Kalebu.