2 Samweli 2:26 - KITABU KITAKATIFU

²⁶ Hene yaho Abineri ya langa Joabu, na a mu volera, Kivavi yikyo ki la mira madiku gosi? Si u manya bu la va ubululu ku kiheri? I la duka inyinga ki nu u laga avandu kuleka kulonoda avamwavo vavo?

2 Samweli 2:26 ပူးပေါင်းရင်းမြစ်များ

2 Samweli 11:25

Hene yaho Daudi ya volera mutumwa, U volere Joabu yaga, Inkuva yiyi i ta ku viririhidza mba, kigira kivavi ki litsanga mulala kuli ki litsanga wundi; u dase ubulwani bwelidala, u li guute: na u mu luviridze.

2 Samweli 2:14

Na Abineri ya volera Joabu, Mwadza, leka avasoleli yava va singire va kine imbiri wetu. Na Joabu ya vola, Va singire.

2 Samweli 2:16

Navo va gumirana sa mulala ya gumira wakye mutwe, nokutumita kivavi kikye mu mbalu mwawakye; ni ndiyo va gwa hasi halala: kigira yaga, ha zana ha langwa Helikathuhazurim, niho ha veye mu Gibeon.

2 Samweli 2:25

Navana va Benjamini va vugana halala inyima wa Abineri, navo va li kiduma kilala, ni va singira ku kigulu kilala.

2 Samweli 2:27

Na Joabu ya vola, Kuli Nyasaye a veye mwoyo, ive u vula kuvola, ngano avandu yavo va tsiye mugamba, kinga ngano si va londi sa mulala amwavo wewe mba.

Ayubu 18:2

Mwenyera amakuva kuduka inyinga ki? Mu ganagane, na nyima ku la vola.

Ayubu 19:2

Mu la kupidza kivi mwoyo gwange kuduka inyinga ki Nokumbunannya na makuva genyu?

Zaburi 4:2

Mwinye, avana va avandu, kuduka inyinga ki ubukumi bwange bu la girunkanywa kuva lilegwa? Mu la yanza vyavutswa tsinyinga tsyanga, nokwenya ububehi? [Selaha

Tsing'ano 17:14

Litanga lyelihing'ana li veye kuli mundu a hudulanga ha amadzi ga veye: Kunangwa mu leke lihangalidzana lwa li kikiri kuva ubulwani.

Isaya 1:20

navutswa ni i va mu sula nokwebaala, kivavi ki la mu lia; kigira munwa gwa Yahova gu vola yaga.

Jeremia 12:12

Avala nyi va nini ku vigulu mu kyangala ngwi; kigira kivavi kya Yahova kiitanga kutwula ku luvega yilu kuduka ku luvega yilu lwekivala: si ha veye nowombiri u veve mu mire mbe.

Jeremia 2:30

Likuya lya nda kuya avana venyu ni lya vutswa; si va bugirira kuhebwa mageli mba: kivavi kikyo ive mwene ki liye vaprofeti vovo, kuli king'ang'a kyononyanga.

Jeremia 4:21

Nda lola ibe ndera kuduka inyinga ki, nokuhulira mwoyo gwekisiliva?

Jeremia 46:10

Kigira lidiku yilyo li veye lidiku lya Yahova, uyu Yahova wa mahe, li veye lidiku lyokuvanza kisalya, a duke kwevanzira kisalya ku vasigu veve: kivavi ki la lia na ki liguta, na ki la nwa amasahi gavo nokuhambika; kigira Mwami, Yahova wa mahe, a veye nekihaanwa kikye mu kivala ku luvega lwa kasikasini himbi nomugera gwa Farati.

Jeremia 46:14

Mu landidze amakuva mu Egepeti, mwilwadze mu Migidoli, nokwilwadza mu Nofu nomu Tahapenesi: mu vole, Singira, wetegeke, kigira kivavi ki mali kulia ku tsimbega tsitsyo.

Hosea 11:6

Na kivavi ki la gwa ku madala gavo, nokusamba vihaniru vyago, nokuvalia, kigira makuva gavo avene.

Vikolwa 7:26

Mugamba ya nyola ava kupana ni yenya kuvahambannya, na a vola, Vasatsa mwinye mu veye avamwavo kigira ki mwononnyana?