2 Samweli 19:43 - KITABU KITAKATIFU

⁴³ Navandu va Israeli va tivulira avandu va Yuda, ni va vola, Kwinye ku veye nevidieli likumi mu mwami, na ku veye neliva lyetu mu mwami kuvita mwinye: kigira ki mwinye mu leganga kwinye, kuduka likuva lyetu li vule kutanga kwenywa lyokwirannya mwami wetu? Namakuva gavandu va Yuda ga li malulu kuvita makuva gavandu va Israeli.

2 Samweli 19:43 ပူးပေါင်းရင်းမြစ်များ

2 Samweli 19:14

Na yinaminya myoyo gyavandu vosi ava Yuda, kuli mundu mulala, ni va duka kuhilira mwami avatumua, ni va vola, Wirane ive, navatumekiri vovo vosi.

2 Samweli 19:9

Navandu vosi va li ni va hing'ananga mu tsihiri tsyosi tsya Israeli, ni va vola, Mwami ya ku honnya ku makono gavasigu vetu, na ya ku honnya ku makono ga Vafilisiti; na kalunu yiruki u twuli mu kivala kwiruka Abisalom.

2 Samweli 20:1

Ya li ho mundu mudamano, lieta lilye lya li Sheba, mwana wa Bikiri Mubenjamini: na ya kupa kisaliva kuvola, Kwinye si ku veye nekidieli mu Daudi, kinga si ku veye nemiyandu mu mwana wa Jesse: mundu sa mulala a tsie mu lihema lilye, mwinye O Israeli.

2 Samweli 20:6

Na Dau'di ya volera Abishai, Kalunu Sheba mwana wa Bikiri a la ku kolera budamano kuvita bwa Abisalom ya ku kolera: ive u vugula avatumekiri vomwami wowo, u tsie navo u mu londerere, gase a lenyolera amadala getsingulu, nokuhona ku vule kumulola kandi.

2 Samweli 5:1

Kunangwa tsihiri tsyosi tsya Israeli tsya duka ku Daudi ha a Hebironi, na va mu volera, ni va vola, Henza, ku veye kigumba kikyo, nombiri gugwo.

1 Avami 12:16

Na lwa Israeli vosi va lola mwami u vuli kuvahulira avandu va tivulira mwami, ni va voia, Ku veye nekidieli ki mu Daudi? Kandi si ku veye nemiyandu mu mwana wa Jesse: Israeli, mu tsie mmahema genyu, kalunu u henze inyumba yoyo ive mwene Daudi. Ma Israeli va tsia mmahema gavo.

Tsing'ano 13:10

Uluyai lu letanga ubuhing'ani bwere; Navutswa ava vugulanga makuva malahi va veye nobugeeri.

Tsing'ano 15:1

Litivula lyagalaha li kiring'annya ubutima; Navutswa makuva malulu ga viridzanga ubutima.

Tsing'ano 17:14

Litanga lyelihing'ana li veye kuli mundu a hudulanga ha amadzi ga veye: Kunangwa mu leke lihangalidzana lwa li kikiri kuva ubulwani.

Tsing'ano 18:19

Amwavo u dunyiridzangwa, ubudinyu bwokumunyola kuvita kuvugula livugula lidala lyetsingulu; Na lihing'ana kuli yili li veye kuli miluguyu gyolugaga.

Varumi 12:21

Ubudamano bu ta mu guuta, navutswa ubudamano mu guutire ubulahi.

Vagalatia 5:15

Navutswa ni mu lumana nokulitsana avene navene, mwelinde gase mu la malirana avene navene.

Vagalatia 5:20

nokusigamira misambwa, nobukumu, nobusigu, nelihing'ana, nembodoka, nobutima, namahangali, nokwavukana, nokwekala vidieli,

Vagalatia 5:26

Ku tenya liidzominywa lya vutswa nokuhing'ana avene navene, nokukolerana imbodoka avene navene.

Vafilipi 2:3

Mu ta kola kindu kali kilala nelihing'ana kinga kwenya ubukumi bwa vutswa, navutswa mu lyegehidza lyomwoyo mundu sa mulala a lole wundi kuva munene kuye mwene;

Yakobo 1:20

kigira ubutima bwomundu si bu kolanga ubulungi bwa Nyasaye.

Vakalagi 8:1

Ma avandu va Efiraim va mu volera, Kigira ki ive u ku koleranga kuli yaga, ive wa vula kukulanga, lwa wa tsia kulwana na Midiani? Na va lembana naye ligali.

Vakalagi 9:23

Na Nyasaye ya leta roho mudamano hagati ha Abimeleku navandu va Shekem; avandu va Shekem va kolera Abimeleku nobugadi: