2 Samweli 19:27 - KITABU KITAKATIFU

²⁷ Naye ya gemehidza mutumekiri wowo imbiri womunene wange mwami; navutswa munene wange mwami a veye kuli ingelosi wa Nyasaye: kunangwa u kole aga u lolanga kuva malahi.

2 Samweli 19:27 ပူးပေါင်းရင်းမြစ်များ

2 Samweli 14:17

Hene yaho inze mukana mutugwa wowo lwa nda vola, Mwadza, likuva lyomwami li ve lyokuleta bwelemeridzi; kigira kuli ingelosi wa Nyasaye, ni ndiyo munene wange, mwami a veye kwavukannya amalahi namada mano: na Yahova Nyasaye wowo a veye halala nive.

2 Samweli 14:20

mu tumekiri wowo Joabu ya kola yaga a duke kugirunkannya ligondo lye nkuva yiyi: nomunene wange a veye nobugeeri, kuli ubugeeri bwengelosi wa Nyasaye, a duke kumanya vindu vyosi vi veye ku lirova.

2 Samweli 16:3

Nomwami ya teva, Mwana wo munene wowo a veye haliha? Na Ziba ya volera mwami, Henza, a me nyanga Yerusalemi; kigira ya vola, Lero ndi inyumba ya Israeli i la mba ubwami bwa dada wange.

2 Samweli 16:4

Hene yaho mwami ya volera Ziba, Henza vyosi vi veye vya Mefiboshethu vi veye vivyo. Na Ziba ya vola, Inze nsigamiranga; nduke kunyola tsimba basi imbiri wetsimoni tsitsyo, munene wange, O mwami.

2 Samweli 19:17

Va li halala naye avandu eliu ava Benjamini, na Ziba mutumekiri wenyumba ya Saulo, navana veve likumi na vatano, navatumekiri veve makumi gaviri va li halala naye; na va vita hagati ha Yordani imbiri wetsimoni tsyomwami.

2 Samweli 9:13

Kunangwa Mefiboshethu ya menya mu Yerusalemi; kigira ya li na a lagiranga kazozo ku imeza ya mwami. Naye ya li umulema virenge vyombi.

2 Samweli 9:3

Nomwami ya mu teva, Kalunu si a veye ho kali mulala we nyumba ya Saulo, nduke kumuvera tsimbabasi tsya Nyasaye? Na Ziba ya volera mwami, Jonathan a veye nomwana, kuduka kalunu, wa li mulemawevirenge.

Zaburi 101:5

Uyu u gemeranga mutende wewe makiriri, nda mu twulidza: Uyu u henzanga nobwegingiri, na womwoyo gwoluyai si ndekudzira kuye mba.

Zaburi 15:3

Uyu a vula kuhuudzeridza ku lulimi lwilwe, Na si a kolera wakye ubudamano mba Kandi si a bugirira manyego kunyega mutende wewe.

Kutwula 20:16

U ta gina wakyo mba.

Jeremia 9:4

Mu gelihe sa mulala nowakye, kandi mu ta suuvira ku amwavo; kigira amwavo sa mulala a likigitalidza ligali, nomutende sa mulala a la tsia yiyi na yiyi nokulandidza tsimbemba.

1 Samweli 29:9

Na Akishi ya tivula, na a volera Daudi Inze mmanya u veye mulahi imbiri wetsimoni tsyange, kuli ingelosi wa Nyasaye: navutswa avanene va Vafilisiti va voye, Uyu si a nyala kwanegira halala nekwinye mbulwani.