2 Samweli 19:24 - KITABU KITAKATIFU

²⁴ Na Mefiboshethu mwana wa Saulo ya sulunguta a duke kwaganira mwami; naye ya li na a kikiri kusaavidza virenge vivye, kinga kukalaga tsinderu tsitsye, kinga kwogidza tsingubo tsitsye, kutwula ku lidiku lya mwami va twula kuduka lidiku lya yirana nemirembe.

2 Samweli 19:24 ပူးပေါင်းရင်းမြစ်များ

2 Samweli 12:20

Hene yaho Daudi ya vuka hasi, ni yesinga, ni yevaka maguta, nokwivika tsingubo tsindi; ni yingira mu inyumba ya Yahova, na a sigamira: ma ya tsia mu inyumba yeye mwene; na lwa ya laga, va mu lombera ubukima, na a lagira.

2 Samweli 15:30

Na Daudi yanegira ku kyanegiru kyekigulu kya Mizeituni, na ya lira lwa yanegiranga: na ya kunikwa mutwe, na a genda nevirenge vyere: navandu vosi ava li halala naye va kunikwa sa mulala mutwe gwi gwe, navo va lira lwa vanegiranga.

2 Samweli 16:3

Nomwami ya teva, Mwana wo munene wowo a veye haliha? Na Ziba ya volera mwami, Henza, a me nyanga Yerusalemi; kigira ya vola, Lero ndi inyumba ya Israeli i la mba ubwami bwa dada wange.

2 Samweli 9:11

Hene yaho Ziba ya volera mwami, Inze mutumekiri wowo nda kola kuli yaga gosi ago munene wange mwami a laga inze mutumekiri wewe. Ku makuva ga Mefiboshethu, mwami ya vola, Uyu a la lagira ku imeza yange, kuli mulala ku avana vomwami.

1 Avami 2:8

Kandi henza, Shimei mwana wa Gera Mubenjamini, wa Bahurim, a veye halala nive, niye uyu wa suha inze nemisu midamano ku lidiku lya nda tsia Mahanaim; navutswa ya sulu nguta ku nzaganira ha Yordani, na nda mwisuhira ku Yahova, ni mbola, Si nda kwiita nekivavi mba.

Kutwula 19:10

Na Yahova ya volera Musa, U tsie ku avandu yavo, u va takase lero na mugamba, na vogidze tsingubo tsyavo,

Isaya 15:2

Vanegira kutsia Bayithu, na Dibon kuduka hadiguluku, kulira; Moabu va kupira tsikwili, ku Nebo, noku Me deba; vyavusu vi veye ku mitwe gyavo vosi, tsinderu tsyosi tsi ve geywi.

Jeremia 41:5

avandu valala vadza kutwula Shekem nokutwula Shilo, nokutwula Samaria va duka avandu avasatsa makumi gatano na gavaka, navo va li ni va mali kuvega tsinderu tsyavo, nokutandula tsingubo tsyavo, navo va li ni va mali kwekalaga avene, va ginga mmakono gavo vihaanwa vyobusie nevimuli, vya va letanga ku inyumba ya Yahova.

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Varumi 12:15

Mu sangale halala navasangala; mu lire halala navaliranga.

Vahebraina 13:3

Mwidzulitse avahambe kuii mu boheywi halala navo; kandi yavo ava kupidzeywi kivi, kuli mu veye mu mubiri.