2 Samweli 19:19 - KITABU KITAKATIFU

¹⁹ Na ya volera mwami, Munene wange a ta validza ubudamano ku inze, kinga u tidzulitsa aga inze mutumekiri wowo nda kola nobukyamu ku lidiku lyomunene wange umwami ya twulanga Yerusalemi, mwami ya duka kugavika mu mwoyo gwigwe.

2 Samweli 19:19 ပူးပေါင်းရင်းမြစ်များ

2 Samweli 13:20

Abisalom mbotso wewe ya mu teva Mbotso wowo Amnon ya li halaia nive? Navutswa kalunu ki ring'ana, mbotso wange: kigira a veye mbotso wowo; u ta vika inkuva yiyi mu mwoyo. Ma Tamaru ya menya mu inyumba ya mbotso wewe Abisalom, na a veye mudedekere.

2 Samweli 13:33

Kunangwa kalunu munene wange umwami a ta vika inkuva yiyi mu mwoyo gwigwe ligali, kuganagana avayai vomwami vosi va kudzi; kigira ni Amnon weng'ine u kudzi.

2 Samweli 19:18

Na bwatu bwambuka bu duke kwambukidza avandu venyumba yomwami, nokukola aga ya lola kuva malahi. Na Shimei mwana wa Gera ya gwa hasi imbiri womwami, lwa yambukanga mugera gwa Yordani.

Zaburi 32:2

A veye nobugasu mundu uyu wa Yahova a vula kuvalidza kuye ubukyamu, Kandi uyu wobugadi bu ta li mu mwoyo gwigwe.

Zaburi 79:8

U tidzulitsira ku kwinye ubukyamu bwa avaguga vetu: Tsimbabasi tsitsyo tsi duke bwangu kuvugana nekwinye; Kigira ku gehidzeywi ligali.

Kohelethu 10:4

Mwoyo gwomwa mehi ni gu vuka ku ive, u ta twula ha u veye; kigira mwoyo gwobuhokya gu hodziridzanga livihirirwa linene.

Isaya 43:25

Inze, yee, inze niye weyanga mahyolo gogo kigira mwoyo gwange; na si ndidzulitsa ubwoni bubwo.

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Livalidza 12:11

Na Haruni ya volera Musa, O, mwami wange, mwadza, u ta vika ubwoni yibu ku kwinye, kigira ku koli agobusiru, kigira ku koli ubwoni.

Matayo 27:4

na a vola, Nda li kwona kigira nzami amasahi ga ta li ne kindu. Navutswa va mu volera, Ga veye ki ku kwinye? Ive u la ga lola ive mwene.

2 Vakorintho 5:19

kuli Nyasaye ya li mu Kristo na a leta avomkivala kuhambana naye, si a validza lihyola lyavo kuvo, na a vika ku kwinye likuva lyokuhambannya.

1 Samweli 22:15

Inze ntangi lero kumtevera Nyasaye? Auwa, li ve ihale ku inze likuva yili: mwami a vule kuvika liganagana ku inze mutumekiri wewe, kinga ku inyumba yosi ya dada wange; kigira mutumekiri wowo si a manya kindu ku yaga gosi, bukekeke kinga bunyingi bwago.

1 Samweli 25:25

Mwadza, umunene wange, u ta henza muyingwa, uyu Nabali, kigira kuli lieta lilye li veye, ni ndiyo a veye; Nabali ni lieta lilye, nobusiru bu veye naye; navutswa inze mukana mutugwa wowo, si nda lola vasoleli vomunene wange, ava wa leta.

1 Samweli 26:21

Hene yaho Saulo ya vola, Inze nkoli ubwoni: yirana, Daudi mwana wange; kigira inze si nda ku kolera kindu kidamano kandi mba, kigira livamwoyo lyange lya li nobuguli budinyu imbiri wetsimoni tsitsyo lero: henza, nkoli agobusiru, na nkoli amahyolo ligali.