2 Samweli 17:23 - KITABU KITAKATIFU

²³ Na Ahithofeli lwa ya lola livola lilye li vuli kulondwa, ya boha isukiri yeye, na a singira, na a tsia mu inyumba yeye, mu lidala lilye, na ya lomba makuva genyumba yeye, ni yesunga; na a kudza, na ya tebwa mu kilindwa kya dada wewe.

2 Samweli 17:23 ပူးပေါင်းရင်းမြစ်များ

2 Samweli 15:12

Na Abisalom ya langa Ahithofeli Mugilon, mukonyi wa Daudi mu livola, kutwula mu lidala lilye, lidala lya Gilo, inyinga ya a haananga vihaanwa. Na lihambana lyetsimbemba yili lya li netsingulu; kigira avandu va li halala na Abisalom va medeka kazozo.

2 Samweli 15:31

Nomundu mulala ya volera Daudi, na a vola, Ahithofeli a veye mu lihambana lyetsimbemba halala na Abisalom. Na Daudi ya vola, O Yahova, nku goonya, livola lya Ahithofeli, u li girunkannye li gwe ubusiru.

2 Samweli 16:23

Na madiku yago livola lya Ahithofeli lya li kuli mundu wokuteva likuva lya Nyasaye: ni ndiyo livola lyosi lya Ahithofeli halala na Daudi na halala na Abisalom.

2 Samweli 17:22

Ma Daudi ya singira, navandu vosi ava li halala naye, ni vambuka Yordani: lwa bwa kya mulala kuvo si ya tigala wa vula kwambuka Yordani.

1 Avami 16:18

Na ga duka, lwa Zimri ya lola lidala li gumeywi, yingira mu impinga yenyumba yobwami, na ya samba inyumba yobwami, no mwene ya hiira mu, na a kudza,

2 Avami 20:1

Ku lidiku yilyo Hezekia ya lwala na a buyika. Na Isaya muprofeti, mwana wa Amozu, ya tsia kuye, na a mu volera, Yahova a vola, U lungekidze makuva genyumba yoyo; kigira u la kudza, si u la va mwoyo mba.

Ayubu 31:3

Si vi veye kivi ku yavo ava ta li avalungi, Nobwoneku ku yavo ava kolanga budamano?

Zaburi 109:20

Yaga ga veye madanyi ga yavo avasigu vange ga twulanga ku Yahova, Kandi yavo ava vola ubudamano ku mwoyo gwange.

Zaburi 5:10

U lang'aminye ubwoni bwavo O Nyasaye U leke va gwe ku tsimbembatsyavo; U va te kyova ku bunyingi bwobutingu bwavo; Kigira va koli ubwebaali ku ive.

Zaburi 55:23

Navutswa ive, O Nyasaye, u la vikidza kuduka mbogo bwobwoneku: Avandu avekisahi na avagadi si va la hindira kuduka inusu ya madiku gavo; Navutswa inze nda suuvira ive

Tsing'ano 16:18

Uluyai lwimiriranga lidiva, Na mwoyo gwokwigingira gwimiriranga ligwa.

Tsing'ano 19:3

Ubusiru bwomundu bu kyaminyanga inzira yeye; Na umwoyo gwigwe gu vihirirangwa Yahova.

Isaya 38:1

Mmadiku yago Hezekia ya lwala kuduka ku likudza. Na Isaya muprofeti mwana wa Amozu ya tsia ku mwami, na a mu volera, Yahova a ku volera, U lohidze vindu vyosi vyenyumba yoyo; kigira u la kudza, si u la va mwoyo mba.

Matayo 27:5

Naye lwa ya mala kuta vidonye vyefetha mu litempeli, ya twula; kandi ya tsia kwisunga.