2 Samweli 17:10 - KITABU KITAKATIFU

¹⁰ Na uyu u veye nobu luviriri, womwoyo gwigwe gu veye kuli mwoyo gweking'ang'a, a la salaluka ligali; kigira Israeli vosi va manya dada wowo a veye muluviriri ligali, na va veye halala naye va veye avandu avelihe.

2 Samweli 17:10 ပူးပေါင်းရင်းမြစ်များ

Litanga 49:9

Yuda a veye mwana weking'ang'a; Mwana wange u diguluki kutwula ku kilanye: Ya kukuna, ya seta kuli king'ang'a, Kandi kuli king'ang'a kikali; ibwaha u li mu vukidza?

2 Samweli 1:23

Saulo na Jonathan va li avalahi avokuyanzidza, mu livamwoyo ki lyavo, Kandi mu likudza lyavo va vula kwavukanywa: Va li netsimbiru kuvita tsindidzu, Va li netsingulu kuvita ving'ang'a.

2 Samweli 17:9

Henza, kalunu u viseywi mbogo, kinga ahandi: na ga la duka, lwa avandi kuvo va tanga kugwa, u hulira a la vola, ha veye nobwiiti mu avandu ava londanga Abisalom.

2 Samweli 23:20

Na Benaia mwana wa Jehoiada, mwana womundu muluviriri wa Kabi zeeli, wa kola vikolwa vyokugenya, uyu y iita arana vaviri va Arieli wa Moabu: na yika kandi ni yiita king'a ng'a hagati holuhangaywa inyinga yenkindirira.

Zaburi 89:19

Kunangwa wa volera avatakatifu mu liloto, Na wa vola, Mbiki ubukonyi ku mulala wetsingulu; Nnenehidzi mulala mutovole ku avandu.

Kutwula 15:15

Hene yaho avami va Edom va genya; Avetsingulu va Moabu, lidegera li va gumiye: Avamenya mu Kanani va kamuluka.

Tsing'ano 28:1

Avadamano viruka inyinga si a li ho mundu kuvalonderera; Navutswa avalungi va veye nobuluviriri kuli king'ang'a.

Lwimbu lwa Solomoni 3:7

Henza, amalungu ga Solomoni; Avasatsa avetsingulu makumi gatano na lilala va ga kumbiridzi, Mu vetsingulu va Israeli.

Isaya 13:7

Kigira yaga amakono gosi ga la va madediekere, nomwoyo gwomundu sa mulala gu la yengeka:

Isaya 19:1

Ubuliduhu bwa Egepeti. Henza, Yahova a ninanga ku lilesi li gendanga bwangu nokuduka Egepeti: nevifwananyi vyokusigami rwa vya Egepeti vi la dengeya imbiri wewe; nomwoyo gwa Egepeti gu la yenguka hagati hakyo.

Ezekieli 21:15

Mmali kuvika isonga yekivavi imbiri weviribwa vyavo vyosi, myoyo gyavo gyi duke ku yenguka, lyekigitala lyavo li medeke: O ki koleywi kuva kuli uluheni, ki vikeywi isonga ki duke kwiita.

Kwidzulitsa 1:28

Kwanegira kutsia haliha? Avamitu vetu va salulukidzi myoyo gyetu, ni va vola, Avandu yavo va veye avanyingi navatambi kuvita kwinye; namadala ga veye manene, kandi ga veye namadigi kuduka migulu; na kandi kwa lola avana va Anaki va veye ho.

Vahebraina 11:34

va guuta tsingulu tsyomuliru, va hona ku bwogi bwekivavi, kutwula mu budedekere va hebwa tsingulu, va gwa avagulu mu lihe, va kunga amahe gavageni.

1 Samweli 16:18

Ma mulala kuvo avasoleli, ya tivula na a vola, Henza, ndoli mwana mulala wa Jesse Mubeth-lehemu, a veye musidza wokukupa ubukana, kandi a veye muluviriri, na a veye mundu welihe, nomugeeri mu livola, naye a veye mundu mulahi; na Yahova a veye halala naye.

1 Samweli 18:17

Na Saulo ya volera Daudi, Henza, mwana wange munene Meraba, nda ku ha mukana wange uyu a ve mukali wowo: navutswa ive u ve muluviriri kigira inze, u lwane ubulwani bwa Yahova, yaga geng'ine. Kigira Saulo ya vola, Mukono gwange gu vule kuva kuye, navutswa amakono ga Vafilisiti ga ve kuye.