2 Samweli 16:23 - KITABU KITAKATIFU

²³ Na madiku yago livola lya Ahithofeli lya li kuli mundu wokuteva likuva lya Nyasaye: ni ndiyo livola lyosi lya Ahithofeli halala na Daudi na halala na Abisalom.

2 Samweli 16:23 ပူးပေါင်းရင်းမြစ်များ

2 Samweli 15:12

Na Abisalom ya langa Ahithofeli Mugilon, mukonyi wa Daudi mu livola, kutwula mu lidala lilye, lidala lya Gilo, inyinga ya a haananga vihaanwa. Na lihambana lyetsimbemba yili lya li netsingulu; kigira avandu va li halala na Abisalom va medeka kazozo.

2 Samweli 15:31

Nomundu mulala ya volera Daudi, na a vola, Ahithofeli a veye mu lihambana lyetsimbemba halala na Abisalom. Na Daudi ya vola, O Yahova, nku goonya, livola lya Ahithofeli, u li girunkannye li gwe ubusiru.

2 Samweli 17:1

Kandi Ahithofeli ya volera Abisalom, Mbe umunwa kalunu ntovole avasatsa tsielfu likumi na tsiviri, na nda singira kulonderera Daudi ubudiku bwa lero:

2 Samweli 17:14

Na Abisalom navandu vosi va Israeli va vola, Livola yili li twula ku Hushai Muariki li veye lilahi kuvita livola lya Ahithofeli. Kigira Yahova u saaviye kugirunkannya livola lilahi lya Ahithofeli, Yahova a duke kuleta ubudamano ku Abisalom.

2 Samweli 17:23

Na Ahithofeli lwa ya lola livola lilye li vuli kulondwa, ya boha isukiri yeye, na a singira, na a tsia mu inyumba yeye, mu lidala lilye, na ya lomba makuva genyumba yeye, ni yesunga; na a kudza, na ya tebwa mu kilindwa kya dada wewe.

Ayubu 28:28

Na ya volera mundu makuva yaga, Henza, kutia Yahova, nibwo ubugeeri; Nokutwula ku budamano nilyo limanya.

Ayubu 5:12

Uyu yononnyanga amakuva gava gadi, Kuduka makono gavo si ga nyala kudukidza lisaavira lyavo.

Zaburi 19:7

Likalaga lya Yahova li veye lidukiru, kugirunkannya mwoyo: Lilolekidza lya Yahova li veye lyeligali, kugerihidza avasiru.

Zaburi 28:2

U hulire mwoyo gwelisaala lyange, lwa nzanira ive, Lwa nginga makono gange ku luvega lwa hatakatifu hoho.

Kohelethu 10:1

Tsingi tsya kudza tsi kolanga maguta gomuhomo agomulombi wevifunyanga mwayu, kuhunya ubugundu; ni ndiyo ubusiru bukekeke bu vitanga kigero kyobugeeri nelidzominywa.

Jeremia 4:22

Kigira avandu vange va veye avasiru, si va manya inze; va veye avana avemitwe midinyu, si va veye nelimanya; va veye nobugeeri kukola budamano navutswa si va veye nelimanya kukola bulahi.

Jeremia 8:9

Avandu vobugeeri va nyoye tsisoni, va timuki inkolo nokugumirwa: henza, va suye likuva lya Yahova; na va veye nobugeeri ki muvo?

Livalidza 27:21

Naye a la singira imbiri wa Eleazaru musalisi, naye u la mu tevera ku likalagira lya Urim imbiri wa Yahova: ku likuva lilye va la twula, nokwingira, uyu, na avana va Israeli vosi halala naye, kali livugana lyosi.

Matayo 11:25

Inyinga yeyo Yesu ya tivula na a vola, Nku santidza, Dada, Mwami weligulu nowelirova, kigira wa visa ku vageeri navahuliri, vindu yivi, nu u vi vuulira avana:

Luka 16:8

Mwami wewe yidzominya mulindi muganga, kigira ya kola nobugeeri: kigira avana avomulirova ku likula lyavo va veye nobugeeri kuvita avana avobulavu.

Varumi 1:22

Mu livola lyavo avene ku veye avageeri, va gwa avasiru,

1 Petro 4:11

Mundu na a va na a vola, a role kuli livola lya Nyasaye; mundu na a va na a tumeka a fumeke kuli mu tsingulu tsya Nyasaye a mu leteye: kuduka mu vindu vyosi Nyasaye yidzominyirwe ku Yesu Kristo, wobukumi bu veye bwibwe halala netsingulu mihiga nemihiga. Amini.

1 Samweli 30:8

Na Daudi ya teva Yahova, na a vola, Ni mba ni nonda lihe yilyo, nda duka kuvagumira, naho? Naye ya mu tivulira, U li londe; kigira ligali u la va nyola, na u lirannya vyosi.