2 Samweli 16:21 - KITABU KITAKATIFU

²¹ Na Ahithofeli ya volera Abisalom, Ingira ku vasuria va dada wowo, ava ya leka va lindeinyumba; na Israeli vosi va la hulira dada wowo a vihirirangwa ive: hene yaho ama kono ga vosi ava veye halala nive ga la va netsingulu.

2 Samweli 16:21 ပူးပေါင်းရင်းမြစ်များ

Litanga 34:30

Na Yakobo ya volera Simeoni na Levi, Mwinye mu ndambidzi, nokunkola kufunya ubudamano mu avandu vekivala yiki, hagati ha Vakanani na Vaperizi: na inze mbeye na vakekeke, va levuganya ku inze, nokunduya; na nda diva, inze nenyumba yange.

Litanga 35:22

Ga duka, lwa Israeli ya menya mu kivala yikyo, Ruben; ya tsia kuva halala na Bilha, suria wa dada wewe: na Israeli ya hulira. Henza, avana va Yakobo va li likumi na vaviri:

Litanga 38:16

Naye ta tsia ni yeveta kuye, na a mu volera, Mwadza, leka mbe halala nive: kigira si ya manya a veye navizala wewe. Naye ya vola, U la mpa kindu ki, u duke kuva halala ninze?

Litanga 6:4

Na mindu gya li mu lirova mmadiku yago, Kandi inyima wa yago, avana va Nyasaye lwa va li halala navakana va avandu, na vivula avana kuvo: va zana va li avetsingulu ava li va kale, avasatsa velidzominywa.

2 Samweli 10:6

Navana va Amon lwa va lola va gwiye kyokuvihiridza Daudi, avana va Amon va tuma na va lagana litunga lyelihe lya Vasiria va Bethrehobu, na Vasiria va Zoba, avaskari va genda nevirenge tsielfu makumi gaviri, nomwami wa Maaka halala navandu elfu, navandu va Tobu tsielfu likumi na tsiviri.

2 Samweli 12:11

Yahova a ku volera, Henza, nda vukidza budamano ku ive mu inyumba yoyo mwene; na nda vugula vakali vovo imbiri wetsimoni tsitsyo, nda va haana ku mutende wowo naye a la gona navakali vovo mu bulavu bweliuva yili.

2 Samweli 13:5

Na Jonadabu ya mu volera, Gona ku kitali kikyo, wekole kuli mulwaye: na lwa dada wowo yadza kukulola, u mu volere, U lete mbotso wange Tamaru yadze, mwadza, a mbe ubukima ndagire, naye a lombe ubukima imbiri wetsimoni tsyange, nduke kubulola, ndagire mmakono gege.

2 Samweli 15:16

Nomwami ya twula, navandu venyumba yeye vosi va mu londa. Umwami ya leka avakali likumi, ava li avasuria, va linde inyumba.

2 Samweli 16:20

Hene yaho Abisalom ya volera Ahithofeli, U ku he livola lilyo lya ku kola.

2 Samweli 17:7

Ma Hushai ya volera Abisalom, Livola lya Ahithofeli ya ku ha, si li veye lilahi inyinga yiyi.

2 Samweli 2:7

Kunangwa kalunu makono genyu ga ve netsingulu, nomu ve avaluviriri; kigira Saulo, munene wenyu u kudzi, navenyumba ya Yuda va mbaki maguta mbe mwami kuvo.

2 Samweli 20:3

Na Daudi ya duka mu inyumba yeye ha Yerusalemi; nomwami ya vugula avakali likumi, avasuria veve ava ya li ni ya leka ho kulinda inyumba, na a va vika haluvega, na ya va ha vyokulia vyokuvaduka, navutswa si yingira kuvo. Ma va vikwa haluvega kuduka lidiku lyelikudza lyavo, va menya kuli avakunzakali.

1 Avami 11:25

Naye ya li musigu wa Israeli madiku gosi ga Solomoni kuvita ubudamano bwa Hadadi ya kola: naye ya dunyira Israeli, na yameha Siria.

1 Avami 2:17

Naye ya vola, Nku goomya, mwadza, u volere Solomoni mwami (kigira si a la kwambakana mba), a mbe Abishagi Mushunam a ve mukali wange.

1 Avami 2:22

Mwami Solomoni ya ti vula na a volera marna wewe, Kigira ki ive wenyeranga Adonija, Abishagi Mushunam? U ka mwenyere ubwami kandi; kigira a veye amwavo wange munene yee, mwenyere na Abiatharu musalisi na Joabu mwana wa Zeruia.

Kyavalevi 18:8

Kyahonyo kyomukali wa dada wowo u ta vimbula: kigira ki veye kyahonyo kya dada wowo.

Kyavalevi 20:11

Na mundu u gona halala nomukali wa dada wewe u vimbuye kyahonyo kya dada wewe: yava vombi va liitwa; masahi gavo ga la va kuvo.

Zekaria 8:13

Kandi ga la va kuli mwa li neli laamwa mu tsihiri, O inyumba ya Yuda nenyumba ya Israeli, ni ndiyo ndi mu honnya, na mu la va ubugasu. Mu ta tia mba, navutswa makono genyu ga ve netsingulu.

1 Vakorintho 5:1

Ligali ga mali kulanda ha veye nobuheyi mu mwinye, ubuheyi kuli bu ta li mu Tsihiri, mulala ku mwinye a veye nomukali wa ise.

1 Samweli 13:4

Na Israeli vosi va hulira, Saulo u duyi lihe lyo lugaga lya Vafilisiti, na Israeli va li ni va veye livihiriridza ku Vafilisiti. Navandu va li ni va vugani halala kulonda Saulo kutsia Gilgali.

1 Samweli 27:12

Akishi ya suuvira Daudi, na a vola, Ya kolanga aveve va Israeli va mu dunyire ligali; kigira yaga a la va mutumekiri wange kazozo.