2 Samweli 16:2 - KITABU KITAKATIFU

² Nomwami ya volera Ziba, Kigira ki u ndetera vindu yivi? Na Ziba ya vola, Tsisukiri yitsi tsi veye tsya avandu venyumba yomwami va duke kuninaku; nobukima yibu namakuyu genyinga yoluya vi veye vya avasoleli va duke kulia; ne waini, ni i va avandu va gehi tsingulu mu kyangalangwi va duke kunwa.

2 Samweli 16:2 ပူးပေါင်းရင်းမြစ်များ

Litanga 21:29

Na Abimeleku ya teva Abrahamu, Avana vamagondi vatano na vaviri vasuveni yava, va u viki ha luvega va veye kigira ki?

Litanga 33:8

Naye ya teva, Ku lihe yili lyosi lya nda vugana nalyo, ive u vola ki? Naye ya vola, Nduke kunyola tsimbabasi imbiri wa mwami wange.

2 Samweli 15:1

Na ga duka inyima wa yaga, Abisalom yelombera ligari netsiparasi, navandu makumi gatano kunyagula imbiri wewe.

2 Samweli 15:23

Nekivala kyosi kya lira nomwoyo munene, navandu vosi vambuka: nomwami mwene yambuka mugera gwa Kidiron, navandu vosi vambuka kutsia ku inzira yomwigendanyama.

2 Samweli 17:29

nobwuki, namaguta geng'ombe, namagondi, netsinkonye tsyuminywa, va duke kulia: kigira va vola, Avandu yava va veye nenzala kandi va luhi, na va veye nobululu migendanyama.

2 Samweli 19:26

Naye ya tivula, Munene wange, O mwami, mutumekiri wange ya ngada: kigira inze mutumekiri wowo nda vola, Nda lomba isukiri, nduke kunina, ntsie halala nomwami; kigira inze mutumekiri wowo mbeye mulema.

Ezekieli 37:18

Kandi lwa avandu vovo va li volera ive, nokuvola, Si u la ku mannya kivune kya u leteranga inkuva yiyi?

Vakalagi 10:4

Na ya li navana avayai makumi gavaka ava ninanga ku vimoli vyetsisukiri makumi gavaka, na va li namadala makumi gavaka, aga langangwa Havothu-jairo kuduka lero, nago ga veye mu kivala kya Gileadi.

Vakalagi 5:10

Mu landidze makuva, mwinye ava ninange ku tsisukiri tsindavu, Mwinye avikalanga ku visero Nomwinye ava gendanga ku inzira.

1 Samweli 14:28

Hene yaho mundu mulala kuvo ya tivula, na a mu volera, Dada wowo yeganehidza avandu budinyu ligali halala nelisuha, na a vola, A laamwe musatsa u lia kyokulia lero. Avandu yavo va li ni va daki tsingulu.

1 Samweli 25:27

Na kalunu kihaanwa yiki kyomutumekiri wowo nku leteye ive, munene wange, va hebwe yavo avasoleli ava ku londanga, munene wange.