2 Samweli 15:8 - KITABU KITAKATIFU

⁸ Kigira inze mutumekiri wowo nda vika lilagana lwa nda menya ha Geshuru mu Siria, ni mbola, Yahova na a va ni ya nzirannya kandi Yerusalemi ligali, hene yaho nda tumekira Yahova.

2 Samweli 15:8 ပူးပေါင်းရင်းမြစ်များ

2 Samweli 14:23

Ma Joabu ya vuka na a tsia Geshuru, na a leta Abisalom Yeru salemi.

2 Samweli 14:32

Na Abisalom ya tivu lira Joabu, Henza, nda tuma avandu ku ive, ni mbola, Hamba yino, nduke kukutuma ku mwami, kuvola, Inze nduki kutwula Geshuru kigira ki? Nobulahi ku inze ni mba ni mba yo kuduka kalunu. Kunangwa kalunu leka ndole mmoni mwomwami, nobudamano ni bu va ni bu veye mu inze, a nziite.

2 Samweli 15:9

Nomwami ya mu volera, U tsie nemirembe. Ma ya singira na a tsia Hebironi.

2 Samweli 3:3

na wakaviri, ya langula Kileabu, wa Abigaili wa li muha Nabali Mukarimeli; na wakat akaa, Abisalom mwana wa Maaka mukana wa Talmai mwami wa Geshuru:

Zaburi 56:12

Lilaga lilyo li veye ku inze, O Nyasaye: Nda haana ku ive vihaanwa vyokusantidza.

Kohelethu 5:4

Nu u va nu u vikira Nyasaye vya wa lagana, u ta lindagira ku litunga; kigira si a sangaliranga avasiru: u tunge vya wa lagana.

Isaya 28:15

Kigiramwa vola, Kwinye ku koli lilagana nelikudza, na ku hambana ne Kihadisi; liduya lizulira lwa li la vita hagati si li la duka ku kwimze; kigira ku lombi ububehi kuva hokwivisa hetu, na kwivisi isi wobugadi:

Jeremia 42:20

Kigira mu koli ubugadi ku mwinye avene; kigira mwa tuma inze ntsie ku Yahova, Nyasave wenyu, ni mu vola, U ku saavire ku Yahova Nyasaye wetu; na u ku vuulire kuli gosi ga Yahova Nyasaye wetu a vola, na kwinye ku la kola ga zana.

Joshua 24:15

Litumekira Yahova ni li va ni li loleka kuva ku mwinye lidamano, mu tovole lero wa mu tumekira; ni va va ni va veye avanyasaye va vaguga venyu va tumekira lwa va li engereka va Mugera, kinga ni va va avanyasaye va Vaamori, ava mu menya mkivala kyavo: navutswa inze nenyumba yange, ku la tumekira Yahova.

1 Samweli 1:11

Na ya vika lilagana, na a vola, O Yahova wamahe, ive nu u va nu u henza ligali ubuvereri bwomukana mutugwa wowo a veye nabwo, nokunzidzulira, na u vule kunzivirira inze mukana mutugwa wowo, na u haane ku inze mukana mutugwa wowo umwana muyai, hene yaho inze nda mu haana ku Yahova madiku gosi gelimenya lilye, nolugembe lu la vula kuduka ku mutwe gwigwe ligali.

1 Samweli 16:2

Na Samweli ya vola, Inze nda tsia ndi? Saulo na a hulira, a la nziita. Na Yahova ya mu volera, U hile kimoli halala nive, u vole, Inze nduki kwiitira Yahova isadaka.