2 Samweli 15:30 - KITABU KITAKATIFU

³⁰ Na Daudi yanegira ku kyanegiru kyekigulu kya Mizeituni, na ya lira lwa yanegiranga: na ya kunikwa mutwe, na a genda nevirenge vyere: navandu vosi ava li halala naye va kunikwa sa mulala mutwe gwi gwe, navo va lira lwa vanegiranga.

2 Samweli 15:30 ပူးပေါင်းရင်းမြစ်များ

2 Samweli 15:29

Kunangwa Zadoku na Abiatharu va ginga lisanduku lya Nyasaye ni va tsia nalyo mu Yerusalemi: ni va menya yo.

2 Samweli 19:4

Nomwami ya kunika mumoni mwimwe, nomwami ya lira mwoyo munene, O mwana wange Abisalom, O Abisalom, mwana wange, mwana wange

2 Samweli 19:5

Na Joabu yingira mu inyumba ku mwami, na a vola, Ive lero ndi u leganyi mmoni mwa vatumekiri vovo vosi, ava honyi livamwoyo lilyo lero, nelivamwoyo lyavayai vovo navakana vovo, nelivamwoyo lyavakali vovo, nelivamwoyo lyavasuria vovo;

Esther 6:12

Na Morde kai yirana ku kiribwa kyomwami. Navutswa Haman ya bia yengo wewe bwangu nokuvererera, na a kunika mutwe gwigwe.

Zaburi 42:3

Amaliga gange ga li vyokulia vyange ubudiku na mbasu, Lwa va nteva mbasu bei, Nyasaye wowo a veye haliha?

Zaburi 43:5

Kigira ki winamanga, O mwoyo gwange? Na kigira ki u hendanga mu inze? U suuvire Nyasaye; kigira nda duka kumwidzominya, Uyu u veye ubuhonnyi bwommoni mwange na Nyasaye wange.

Ezekieli 24:17

U kenye, navutswa ga ta va ha vulavu, ku lihulirwa mba, u ta syomera uyu wa kudza; wivike kigudu kikyo, wivike vilatu vivyo, u ta kunika minwa gyigyo mba, u vule kulia vyokulia vyavandu.

Ezekieli 24:23

Na vigudu vyenyu mu livika ku mitwe gyenyu, nevilatu ku virenge vyenyu: ma la vula kusyoma kinga kulira; navutswa mu la nialira mu budamano bwenyu, nokukenyerana mundu sa mulala nowakye.

Zekaria 14:4

Kandi mu lidiku yilyo virenge vivye vi la singira ku kigulu kya Muzeituni, ki henza Yerusalemi ku luvega lwevugwe; kigulu kya Mu zeituni zana ki ladika hagati hakyo, kuhenza ivugwe ne madioli, livona li la va ho linene ligali; na luvega lulala lwekigulu lu la twula kutsia kasikasini, na luvega lundi kutsia kusini.

Matayo 5:4

Va veye nobugasu ava veye neliverera: kigira va la leminnywa mmyoyo.

Luka 19:29

Lwa ya duka himbi Bethfage na Betani, mu kigulu kya langwa Mizeituni, ya tuma avegidzwi vaviri,

Luka 19:37

Lwa ya duka himbi ha kisulungutu kyekigulu kye Mizeituni, kiduma kyosi kyavegidzwi kya tanga kusangala nokwidzominya Nyasaye nomwoyo munene kigira miyinzi minene gyosi gya va lola;

Luka 19:41

Kandi lwa ya duka himbi, ya lola lidala, na a li lirira,

Luka 21:37

Madiku gosi mbasu ya li ni yegidza mu litempeli; namadiku gosi ubudiku ya twula na a tsia kugona mu kigulu kya langwa Mizeituni.

Luka 22:39

Kandi ya twula na a tsia mu kigulu kya Mizeituni, kuli miima gyigye; navegidzwi veve va mu londa.

Vikolwa 1:12

Kunangwa virana Yerusalemi kutwula mu kigulu kya langwa Mizeituni, kya li himbi ne Yerusalemi, ulugendo lwelidiku lyelisabato.

Varumi 12:15

Mu sangale halala navasangala; mu lire halala navaliranga.

1 Vakorintho 12:26

Kandi kivero kilala ni ki salira, vivero vyosi vi salira halala nakyo; kinga kivero kilala ni kidzominywa, vivero vyosi vi sangala nakyo.