2 Samweli 15:25 - KITABU KITAKATIFU

²⁵ Nomwami ya volera Zadoku, U ginge lisanduku lya Nyasaye u lirannye mu lidala kandi: ni mba ni nyola tsimbabasi imbiri wa Yahova, a la nzirannya, na a la mmannya lisanduku, na hokumenya hehe:

2 Samweli 15:25 ပူးပေါင်းရင်းမြစ်များ

2 Samweli 6:17

Na vingiridza lisanduku lya Yahova, nokulivika mbugono bwalyo, hagati helihema lya Daudi ya li na a li singeridziye; na Daudi ya haana vihaanwa vyokusambwa, nevihaanwa vyemirembe imbiri wa Yahova.

2 Samweli 7:2

hene yaho mwami ya volera Nathan muprofeti, Henza kalunu, inze mmenyi mu inyumba yemitaragwa, navutswa iisanduku lya Nyasaye li menyi mu tsingubo tsyokukinga.

Zaburi 122:1

Nda sangala lwa va mbolera, Ku tsie mu inyumba ya Yahova.

Zaburi 122:9

Kigira inyumba ya Yahova Nyasaye wetu, Nda kwenyera ubulahi bubwo.

Zaburi 26:8

O Yahova, nyanzanga limenya lyenyumba yoyo, Na hango hobukumi bubwo bu menyanga.

Zaburi 84:10

Kigira lidiku lilala mu mahema gogo li veye lilahi kuvita elfu. Nyanza kuva mulindi wekiliango kyenyumba ya Nyasaye wange, Kuvita limenya mu mahema gobudamano.

Kutwula 15:13

Ive mu tsimbabasi tsitsyo wimiriye avandu ava wa honnya: U vimiriye netsingulu tsitsyo, va duke mu bumenyo bubwo butakatifu.

Kutwula 33:12

Na Musa ya volera Yahova, Henza, u mbolera, Wanegiridze avandu yava: na u vuli kummanya ni bwaha wa u li tuma halala ninze. Na u voye, Nku manya lieta lilyo, kandi u nyoye tsimbabasi imbiri wange.

Kutwula 33:13

Kunangwa, kalunu nku saala, ni mba ni nyoye tsimbabasi imbiri wowo, u mmannye tsinzira tsi tsyo, inze nduke kukumanya, nduke kunyola liverererwa imbiri wowo: na widzulitse ihiri yiyi i veye avandu vovo mwene.

Isaya 38:22

Na Hezekia ya vola kandi, Ni kilolekidzu ki, ki limbuulira ndanegira mu inyumba ya Yahova?

Jeremia 25:30

Kunangwa kigira yaga u profete makuva yaga gosi kuvo, u va volere, Yahova a la fwuma kutwula igulu, a la twulidza mwoyo gwigwe kutwula ha bumenyo bwibwe butakatifu; a la fwuma ligali ku kego kikye; a la hanzuka, kuli yavo ava duvaganga mazabibu, ku yavo vosi ava menyanga mu lirova.

Jeremia 7:4

Mu ta suuvira ku makuva gobubehi, kuvola, Litempeli lya Yahova, litempeli lya Yahova, litempeli lya Yahova, ni yava.