2 Samweli 15:2 - KITABU KITAKATIFU

² Na Abisalom ya vuka mabwebwe, na a singira ku nyasi ku inzira yekiribwa: na ga duka, ku vosi wa li nelivanzwa lya mu dukira kutsia ku mwami a duke kumukalagira, hene yaho Abisalom ya langa uyu, nokumuteva, U veye welidala ki? Naye ya vola, Inze mutumekiri wowo mbeye wehiri indala ya Israeli.

2 Samweli 15:2 ပူးပေါင်းရင်းမြစ်များ

Litanga 34:20

Na Hamoru na Shekem mwana wewe va duka ku kiribwa kyelidala lyavo, nokuvolerana na avasatsa velidala, ni va vola,

2 Samweli 19:8

Hene yaho mwami ya singira, na a tsia kwikala mu kiribwa, Na va volera avandu vosi kuvola, Henzi mwami wikaye mkiribwa: navandu vosi va tsia ho imbiri womwami. Na Israeli va li ni viruki sa mulala ya tsia mwihema lilye.

2 Kyetsinyinga 10:7

Navo va mu volera, ni va vola, Nu u va mulahi ku vandu yava, nokuvayanzidza, nokuvavolera makuva malahi, hene yaho va la va avatumekiri vovo mihiga gyosi.

Ayubu 24:14

Mulumindi a vukanga mabwebwe; Yiitanga avadaka navadambi; Mbudiku a veye kuli mwivi.

Kutwula 18:14

Na lwa navizala wa Musa ya lola gosi aga ya kolera avandu, ya vola, Inkuva ki yiyi ya u koleranga avandu? Kigira ki ive wikaye weng'ine, na avandu vosi va ku kumbiridza kutwula mugamba kuduka mgolova?

Kutwula 18:16

lwa va veye nenkuva, vadza ku inze; na inze nkalaga hagati ha mundu nomutende wewe, kandi mbegidza megidzo ga Nyasaye na malago gege

Kutwula 18:26

Navo va kalagira avandu kazozo: na makuva madinyu va leta ku Musa, navutswa makuva makekeke va kalaga avene.

Tsing'ano 4:16

Kigira si va gona tsindolo, ni ga ta li va koli ubudamano; Na tsindolo tsyavo tsi twulidzwa kuvo, ni ga ta li vikigitalidza umundu.

Danyeli 11:21

Na mu bugono bwibwe mundu muyingu a la singira mu, wa va la vuia kuha lidzominywa lyobwami: navutswa a la duka mu madiku gelilemerwa mwoyo, na a la gumira ubwami ku makuva gobugohi.

Matayo 27:1

Lwa bwa kya, avasalisi vanene vosi navakulundu vavandu va kola kyina ku Yesu kumwiita:

Kwidzulitsa 17:8

Ni li va ni li twula likuva lidinyu kutama ive mu likalaga, hagati ha masahi namasahi, na hagati hekiyalo nekiyalo, na hagati heliduya neliduya, nago ga veye lihangalidzana mu viribwa vivyo; hene yaho u singire, wanegire u tsie ha Yahova Nyasaye wowo a la tovola;

Ruth 4:1

Ma Boaz ya tsia ha kiribwa kyelidala, ni yikala ho: na henza, wenyumba ya himbi, wa Boaz ya vola makuva gege, ya vita ha zana; naye ya mu volera, Ive, hamba wikale hano. Naye ya tsia ho, ni yikala.