2 Samweli 14:19 - KITABU KITAKATIFU

¹⁹ Kunangwa mwami ya vola, Umukono gwa Joabu gu veye halala nive mu makuva yaga gosi? Nomukali ya tivula na a vola, Kuli ive mwene u veye mwoyo, O munene wange mwami, si ha veye nomundu u nyala kugirunkana ku luvega lwomukono mulungi kinga ku luvega lwomukono mmosi a leke li kuva lya a mali kuvola umunene wange mwami; kigira mutumekiri wowo Joabu, ya mba munwa, naye niye ya vika makuva yaga gosi mu munwa gwomutugwa wowo;

2 Samweli 14:19 ပူးပေါင်းရင်းမြစ်များ

2 Samweli 11:11

Na Uria ya volera Daudi, Lisanduku, na Israeli, na Yuda, va menya mmasa; nomunene wange Joabu, navatumekiri vomunene wange, va menyanga mwigendanyama kulwang'amira; ga ndukira inze kutsia mu inyumba yange, nokulia, nokunwa, nokugona nomukali wange? Kuli ive u veye mwoyo, na kuli mwoyo gugwo gu veye mwoyo, inze si nda kola yaga.

2 Samweli 14:18

Hene yaho mwami ya tivula na a volera mukali uyu, Mwadza, u ta mbisa kindu ku vyosj kya nku teva. Nomukali ya vola, Munene wange, mwami a vole kalunu.

2 Samweli 14:3

na wingire ku mwami, u mu volere makuva kuli yaga ga nku volera. Ma Joabu ya vika makuva mmunwa gwigwe.

2 Samweli 18:13

Ni ga ta veye ndiyo ngano nda mu kolera nobugeeri bwobugadi ku livamwoyo lilye (na si ha veye nekindu kya viseka ku mwami), hene yaho ive mwene kandi, ngano wa ki yahula.

2 Samweli 3:27

Na lwa Abineri ya li ni yirananga Hebironi, Joabu ya mbeta haluvega hagati hekiribwa kuvolerana naye galaha, naye ya mu tumita munda, na a kudza, kigira masahi ga Asaheli amwavo Joabu.

2 Samweli 3:29

ga gwe ku mutwe gwa Joabu, noku inyumba ya dada wewe; nenyumba ya Joabu i vule kugehidzirwa mundu u veye nekisununu, kinga u veye nobugere, kinga wedira mu digiru, kinga wokugwa ku kivavi, kinga wokugeha vyokulia.

2 Samweli 3:34

Makono gogo si ga bofwa, kinga virenge vivyo si vya vikwa ku munyororo mba: Kuli musatsa a gwidzanga imbiri wavana vobudamano, ni ndiyo ive wa gwa. Na avandu vosi va mu lilira kandi.

2 Avami 2:2

Elija ya volera Elisha, Wikale hano, mwadza; kigira Yahova u ntumi kuduka Beth-eli. Elisha ya vola, Kuli Yahova a veye mwoyo, na kuli ive u veye mwovo, si nda ku leka mba. Ma va sulunguta Beth-eli.

Kutwula 4:15

Na ive u la mu volera, nokuvika makuva mu munwa gwigwe: ninze nda va halala na rnunwa gugwo, kandi halala na munwa gwigwe, na nda mwegidza aga mu li kola.

Tsing'ano 25:2

Ubukumi bwa Nyasaye bu veye kuvisa kindu Navutswa ubukumi bwavami bu veye kwidera inkuva.

Tsing'ano 4:27

U ta girunkana kutsia haluvega ku mukono mulungi kinga ku mukono mmosi: U twulidze kirenge kikyo ha budamano.

Livalidza 20:17

Mwadza, u ku he munwa kuvita mu kivala kikyo: si ku la vita mu mulimi, kinga mu kizabibu, kandi si ku la nwa amadzi gevidaho vivyo: ku la londa inzira inene ya mwami; si ku la girunkana kutsia ku luvega lwomukono mulungi, kinga ku luvega lwomukono mmosi, kuduka lwa ku viti lwako lulwo.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Kwidzulitsa 28:14

ni mu vula kugirunkana kuleka amakuva gosi aga mu laga lero, kutsia ku mukono mulungi kinga ku mmosi, kulonda avanyasaye vandi kuvatumekira.

Kwidzulitsa 5:32

Kunangwa mu linde mu kole kuli wa Yahova Nyasaye wenyu ya mu laga: mu ta girunkana ku mukono mulungi kinga mmosi.

Joshua 1:7

U ve mugulu nomuluviriri ligali, u duke kulinda kukola kuli lilsga yili lyosi, lya Musa mutumekiri wange ya ku laga: u ta girunkana kulileka, u tsie ku luvega lwomukono mulungi kinga lwomukono mmosi mba, u duke kugasidzwa ha u tsitsanga hosi.

1 Samweli 1:26

Nomukali uyu ya mu volera, O, mwami wange, kuli ive u veye mwoyo, mwami wange, inze mbeye mukali wa singira imbiri wowo hano, lwa nda saalanga Yahova.

1 Samweli 17:55

Ma Saulo lwa ya lola Daudi na a twula kutsia ku Mufilisiti, ya teva Abineri, wa li munene welihe, Abineri, uyu nomwana wa bwaha? Abineri ya vola, Kuli roho gugwo gu veye mwoyo, O mwami, si nyala kukuvolera.

1 Samweli 20:3

Na Daudi yesuha, na a vola, Dada wowo a manya ligali inze nyoye liverwa imbiri wetsimoni tsitsyo; naye a volanga, Mu ta leka Jonathan a manye kindu yiki mba, gase a la mu vererera: navutswa ligali, kuli Yahova a veye mwoyo, na kuli mwoyo gugwo gu veye mwoyo, li veye ho ligenda lilala lyeng'ine hagati hange nelikudza.

1 Samweli 25:26

Kunangwa kalunu, munene wange, kuli Yahova a veye mwoyo, na kuli ive mwene u veye mwoyo, kigira Yahova u ku gayi u ta sundula i masahi, kandi u tevanzira kisalya nomukono gugwo mwene, kunangwa kalunu avasigu vovo vosi, navandu ava kwenyeranga likuva lidamano ku ive, va ve kuli uyu Nabali.