2 Samweli 14:14 - KITABU KITAKATIFU

¹⁴ Kigira ga dukira kwinye ku kudza, na ku veye kuli madzi ga sunduka ku marova, aga ta nyalika kudolwa kandi; na Nyasaye si ya twulidza livamwoyo, navutswa ya lomba inzira, wa kungwa a vule kuva wa tebwa kutwula kuye.

2 Samweli 14:14 ပူးပေါင်းရင်းမြစ်များ

2 Samweli 11:25

Hene yaho Daudi ya volera mutumwa, U volere Joabu yaga, Inkuva yiyi i ta ku viririhidza mba, kigira kivavi ki litsanga mulala kuli ki litsanga wundi; u dase ubulwani bwelidala, u li guute: na u mu luviridze.

2 Samweli 14:15

Kunangwa ka lunu kuli inze ndadza mbole likuva yili ku munene wange mwami, ga veye kigira avandu va ntihidza: nomukana mutugwa wowo nda vola, Inze nda volera mwami kalunu, na musia mwami a la dukidzira mutu mekiri wewe lyenya lilye.

1 Avami 11:39

Na kigira yaga nda dambidza visukululwi vya Daudi, navutswa si nda yi dambidza madiku gosi mba.

Ayubu 14:14

Mundu na a kudza, a la va mwoyo kandi? Nkano nda ka linda madiku gosi gobulwani bwange Kuduka libohololwa lyange li duke ku inze.

Ayubu 30:23

Kigira manya u la ndeta kuduka mu likudza Noku inyumba ya lomberwa avelivamwoyo vosi.

Ayubu 34:15

Avembiri vosi va la diva halala Na vandu va lirana kandi kuva lugukyi.

Ayubu 34:19

Nasindi uyu u vulanga kwelidza myoyo gyavanene, Kinga kuhenza avatugi kuvita avadaka; Kigira yava vosi va veye miyinzigyamakono gege.

Zaburi 22:14

Inze nsunduywe kuli amadzi, Na vigumba vyange vyosi vi teguki: Mwoyo gwange gu veye kuli masang'asa; Gu salulukidzeywi mu mala gange.

Zaburi 22:15

Tsingulu tsyange tsyumi kuli kijonjo Ululimi lwange lu handi mu tsisaya tsyange; Na ive u ndukidzi mu lugukyi lwelikudza.

Zaburi 58:7

Va saluluke kuli amadzi ga gendanga bwangu: Lwa a lasa mibano gyigye gyi ve kuli gyi vuniki.

Zaburi 77:8

Tsimbabasi tsitsye tsyobuyanzi tsi heri ligali mihiga nemihiga? Na lisuuviridza lilye li divi kuduka makula na makula?

Zaburi 79:3

Masahi gavo va sunduye kuli amadzi tsimbega tsyosi tsya Yerusalemi; Na si ha veye na u va ta.

Zaburi 90:10

Madiku gemihiga gyetu ga veye mihiga makumi gatano na gaviri, Kinga ku tsingulu gyi nyala kuduka makumi gatano na gavaka; Navutswa uluyai lwagyo lu veye miyinzi na livererera vutswa; Kigira gyi vita bwangu na ku vita.

Zaburi 90:3

Ive u girunkannya avandu ku ubudivi, Na u vola, Mwirane, mwinye avana va avandu.

Kutwula 21:13

Na mundu na a va na a ta goneka, navutswa Nyasaye a mu vika mu mukono gwigwe; hene yaho nda ku mannya ha a nyala kwirukira.

Kohelethu 9:5

Kigira ava veye mwoyo va manya va la kudza: navutswa ava kudza si va manya kindu mba, kandi si va veye namadanyi kandi; kigira lidzulitswa lyavo li mali kwivirirwa.

Lisyoma lya Jeremia 3:31

Kigira Yahova si a la ta mihiga nemihiga.

Ezekieli 18:23

Inze nyanza likudza lyomudamano? Mwami Nyasaye a vola; si nyanza bwa ka va ubulahi yirane nokuleka inzira yeye, nokuhindira?

Kyavalevi 26:40

Navo va leyama ubwoni bwavo, na ubwoni bwa vaguga vavo, mu lihyolo lya va hyola ku inze, na kandi kigira va genda mu lihing'ana ku inze,

Livalidza 35:15

Kigira avana va Israeli, na kigira avageni na ava menya muvo, amadala yaga gatano na lilala ga la va agokuhalira kuduka uyu ku vosi wa matava ga gwira kwiita mundu, a nyala kwirukira mu.

Livalidza 35:25

Na livugana li la i honya uyu muduyi a twule mu mukono gua muvanzi wekisalya, na livugana li la muiranya mu lidala lyobuhaliru bwibwe ha yirukira: naye a la menya mu kuduka likudza lyomusalisi munene, wa vakwa amaguta matakitifu.

Livalidza 35:28

kigira ga mu dukira kumenya mu lidala lilye lyobuhaliru kuduka likudza lyomusalisi munene: navutswa musalisi munene na a mali kukudza, muduyi a la nyala kwirana mu kivala kyemiyar du gyigye.

Matayo 22:16

Ni va tuma kuye avegidzwi vavo halala na Vaherodi, ni va vola, Mwegidzi, ku ku manya u veye mundu weligali, kandi wegidza inzira ya Nyasaye ligali si u veye nobutii bwavandi kali mulala: kandi si u henza ligondo lyavandu,

Vikolwa 10:34

Kandi Petro ya kunula munwa na a vola. Ligali ndola Nyasaye si a suvidza avandu:

Varumi 2:11

kigira Nyasaye si ya suvidza avandu.

Kwidzulitsa 10:17

Kigira Yahova Nyasaye wenyu, niye Nyasaye wa avanyasaye, nomwami wavami, Nyasaye munene, wetsingulu, nelitihidza, u vulanga kuhenza liloleka lyavandu, kinga kuvugula vikukula.

Vahebraina 9:27

Kandi kuli avandu va vikirwa likudza inyinga indala, kandi inyima li la duka likalagirwa;

1 Petro 1:17

Kandi ni mu va ni mu mwaniranga kuli a veye Dada, u kalagira mundu sa mulala kuli miyinzi gyigye, bugira lyeridza mu ve neliva lyenyu lyobumenya mu butii: