2 Samweli 13:22 - KITABU KITAKATIFU

²² Na Abisalom si ya volera Amnon ubulahi kinga ubudamano; kigira Abisalom ya dunyira Amnon, kigira ya niga mbotso wewe Tamaru.

2 Samweli 13:22 ပူးပေါင်းရင်းမြစ်များ

Litanga 24:50

Kunangwa Labani na Bethueli va tivula ni va vola, Inkuva yiyi twulanga ku Yahova: na kwinye si kunyala kukuvolera makuva madamano kinga malahi.

Litanga 31:24

Na Nyasaye yadza ku Labani Musiria mu lilota lyobudiku, na a mu volera, Welinde u ta volera Yakobo malahi kinga madamano.

Litanga 31:29

Mbeye netsingulu mmukono gwange kukukolera ubudamano: navutswa Nyasaye wa dada wowo ya volerana ninze ubudiku lwa veye, ve na a mbolera, Welinde u ta volera Yakobo amalahi kinga madamano.

2 Samweli 13:21

Navutswa mwami Daudi lwa ya hulira makuva yaga gosi, ya vihirirwa ligali.

Tsing'ano 10:18

Uyu u visanga ubudunyi a veye neminwa gyobubehi Na uyu u volanga ligemehidza a veye musiru.

Tsing'ano 25:9

U volerane nomutende wowo mwene, makuva gogo, Kandi u ta vuula inkuva ya viswa yomundu wundi;

Tsing'ano 26:24

Uyu u dunyanga a vehanga neminwa gylgye; Navutswa yevikira akiba yobugadi muye muene:

Tsing'ano 26:26

Kali lidunya lilye lyekunika nobugadi Ubudamano bwibwe bu la lang'aminywa imbiri wekiduma.

Kohelethu 7:9

U ta va nomwoyo gwokuhyuhyukana kuduka kuvihirirwa: kigira ubutima bu me nyanga mu viritu vyavasiru.

Matayo 18:15

Aminyu wowo na a kwona ku ive, tsia u mu mannye bwoni bwibwe, ive naye mweng'ine: na a ku hulira, u nyeye aminyu wowo.

Vafeso 4:26

Mu vihirirwe, kandi mu ta kola ubwoni; mu ta leka liuva li yere ni mu veye nobutima:

Vafeso 4:31

Ubululu bwosi, nobutima, nelivihirirwa, neliyoga, namanyego, vi twu lidzwe ku mwinye, halala nembodoka yosi:

1 Yohana 2:11

Navutswa u dunyira amwavo wewe a veye mu kisundi, kandi a genda mu kisundi, kandi si a manya wa a tsitsa, kigira kisundi kya vakulidza tsimoni tsitsye.

1 Yohana 2:9

U volanga a veye mu bulavu kandi a dunyira amwavo wewe, a veye mu kisundi kali kalunu.

1 Yohana 3:10

Ku yaga avana va Nyasaye va loleka, na vana va Setani: ku vosi u ta kola ubulungi si a veye ku Nyasaye, kandi u vula kuyanza amwavo wewe.

1 Yohana 3:12

ku ta va kuli Kaini ya li womudamano, ni yiita amwavo wewe. Kandi ya mwiita kigira ki? Kigira vikolwa vivye vya li vidamano, nevyamwavo wewe vya li vilungi.

1 Yohana 3:15

Ku vosi u dunyira amwavo wewe nu mulumindi: kandi mwinye mu manya mulumindi kali mulala si a veye nelivamwoyo li ta hera li menya muye.