2 Samweli 12:9 - KITABU KITAKATIFU

⁹ Kigira ki ive u legi likuva lya Yahova, nokukola agobudamano imbiri wewe? Ive u kuye Uria Muhiti nekivavi, na u vuguye mukali wewe kuva mukali wowo, na u mwiiti nekivavi kyavana va Amon

2 Samweli 12:9 ပူးပေါင်းရင်းမြစ်များ

2 Samweli 11:4

Ma Daudi ya tuma vatumwa, na a mu vugula; naye yadza kuye, na a gona naye (kigira mukali zana ya li na a veye munifu ku litsia mu mweli lilye); na yirana mu inyumba yeye.

2 Samweli 12:10

Kunangwa kalunu kivavi si ki la twula mu inyumba yoyo mihiga nemihiga, kigira u legi inze, na u vuguye mukali wa Uria Muhiti a ve mukali wowo.

2 Samweli 16:7

Na Shimei lwa ya nyega ya vola yaga, Tsia, tsia, ive mundu wekisahi, ive mundu mudamano:

1 Avami 15:5

kigira Daudi ya kola bulungi imbiri wa Yahova, si ya girunkana kuleka likuva lya Yahova madiku gosi gelivamwoyo lilye, ni ga ta li ku likuva lya Uria Muhiti lyeng'ine.

1 Avami 21:19

Na u la mu volera makuva yaga, kuvola, Yahova a vola ndi, Wiiti, na u gumiye kandi? Na u la mu volera, Yahova a vola ndi, Ha tsimbwa tsya kombera amasahi ga Nabothu tsi la kombera ho kandi masahi gogo, ligali agogo.

2 Kyetsinyinga 33:6

Kandi ya vitidza avana veve hagati homuliru mwivona lyo mwana wa Hinom; na ya henza ku vindu vyomu bwerefu, na a kola bukumu bwobusegetiri, na a tumekira avevigingi, na vasegetiri na a kola budamano bunyingi mu tsimoni tsya Yahova, kumuvihiriridza.

Zaburi 51:14

U ntwulidze ku kisalya kya masahi, O Nyasaye, ive Nyasaye wobuhonywi bwange; Kunangwa ululimi lwange lu lahanzuka kwimba ubulungi bubwo

Zaburi 51:16

Kigira ive si u sangaliranga kihaanwa; nkano nda ki haana: Si u yanzidzangwa na kihaanwa kyokusambwa.

Zaburi 51:4

Ku ive, ive weng'ine, nkoli ubwoni, Nokukola ubudamano yibu imbiri wowo; Ive u veye nobulungi mu livola lilyo, Nokuva mutakatifu mu likalaga lilyo.

Zaburi 90:8

Ive u viki tsimbi tsyetu imbiri wowo, Ubwoni bwetu bu viseywi u viki mu bulavu bwommoni mumwo.

Tsing'ano 14:2

Uyu u gendanga mu bulungi bwibwe a tidzanga Yahova; Navutswa u veye mukyamu mu tsinzira tsitsye a mu leganga.

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Jeremia 18:10

ni va va ni va kola budamano imbiri wetsimoni tsyange, ni va vula kuhulira mwoyo gwange, hene yaho ndeganira ku bulahi bwa nda vola nda va gasidzira.

Amosi 2:4

Yahova a vola ndi: Kigira mahyolo gavaka ga Yuda, yee, kigira gane, si nda girunkannyira nnebwa mageli lyalyo; kigira vambakana malago ga Yahova, na va vula kugumira miima gyigye, nobubehi bwavo bwa va letera mahyolo, bwavadada vavo va londa.

1 Samweli 15:19

Kunangwa kigira ki si wa hulira mwoyo gwa Yahova, navutswa wa tuuma ku vilanye, nokukola gobudamano imbiri wa Yahova?

1 Samweli 15:23

Kigira ubutingu bu veye kuli ubwoni bwobulogi, nobudinyu bwomwoyo bu veye kuli kusigamira misambwa nevifwananyi. Kigira ive wa sula likuva lya Yahova, naye u suye ive u vule kuva mwami.

1 Samweli 15:26

Na Samweli ya volera Saulo, Inze si ndirana halala nive; kigira u suye likuva lya Yahova, na Yahova u suye ive u vule kuva mwami ku Israeli.