2 Samweli 12:22 - KITABU KITAKATIFU

²² Naye ya va volera, Lwa mwana ya li na a kikiri mwoyo, nda honga lilia nokusyoma: kigira nda vola, Ni bwaha u manya Yahova a la mbererera, ku mwana a hone?

2 Samweli 12:22 ပူးပေါင်းရင်းမြစ်များ

2 Samweli 12:21

Hene yaho vatumekiri veve va mu teva, Inkuva ki yiyi ya u koli? Wa honga lilia nokulilira mwana, lwa ya li mwoyo, navutswa lwa a kudzi, wa vuka no u lagira ubukima.

2 Avami 20:3

O Yahova, nku saala ligali, mwadza, Widzulitsa kalunu kuli nda genda imbiri wowo mu geligali nomwoyo mudukiru, nokukola amalahi mu tsimoni tsitsyo. Hezekia ya lira ligali.

Isaya 38:5

Tsia ku Hezekia, u mu volere, Yahova Nyasaye wa Daudi guga wowo, a ku volera, Inze mbuliye lisaala lilyo, ndoli amaliga gogo: henza, nda ku meda ku madiku gogo mihiga likumi nagyitano.

Joeli 1:14

Mu takase lihonga lilia, mu lange livugana litakatifu, mu vungidze avasakulu, na vosi avamenya mu kivala, va vunge mu inyumba ya Yahova Nyasaye wenyu, mwanire Yahova.

Joeli 2:14

Ibwaha u manya a la vula kugirunkana nokweganira, nokulekera ubugasu inyima wewe, kali kihaanwa kyobusie na kihaanwa kyokunwa ku Yahova Nyasaye wenyu?

Amosi 5:15

Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.

Jona 1:6

Kunangwa munene weliato ya tsia kuye, na a mu volera, U veye naki ive, u gonanga? Vuka, wanire Nyasaye wowo, mbula ga la va Nyasaye a la kwidzulira, ku ta diva mba.