2 Samweli 1:2 - KITABU KITAKATIFU

² noku lidiku lya kavaka, henza, ya duka musatsa mulala ya twula mu hokusosa ha Saulo, naye tsingubo tsitsye tsya tandulwa, na ya li namarova ku mutwe gwigwe: na ga duka, lwa ya duka ku Daudi, ya gwa hasi, nokumsigamira.

2 Samweli 1:2 ပူးပေါင်းရင်းမြစ်များ

Litanga 22:4

Ku lidiku lya kavaka Abrahamu ya ginga tsimoni tsitsye, na a lola ha zana ha veye ihale.

Litanga 37:29

Na Rubeni yirana ha bogo; na henza, Yosefa si ya li mu bogo; naye ya tandula tsingubo tsitsye.

Litanga 37:34

Na Yakobo ya tandula tsingubo tsitsye ni yeboha magunia ku kikengo kikye na a syomera mwana wewe madiku manyingi.

Litanga 43:28

Navo va mu volera, Mutumekiri wowo dada wetu a veye mulamu, a veye mwoyo kuduka lero. Na vinaminya mitwe ni va mu sigamira.

2 Samweli 1:3

Na Daudi ya mu teva, U twula haliki? Naye ya mu volera, Inze nda hona mu hokusosa ha Israeli.

2 Samweli 13:19

Na Tamaru yevika ligoke ku mutwe gwigwe, na a tandula ingubo yeye yamagondo lugano lugano ya yevika; na yavika mukono ku mutwe gwigwe, na a tsia, na a lira nomwoyo munene, na a genda.

2 Samweli 14:4

Kunangwa mukali wa Tekoa lwa ya volera mwami, ya gwa hasi ma mmama, na a sigamira, na a vola, U nkonye, O mwami.

2 Samweli 15:32

Na ga duka, Daudi lwa ya duka ku kereremu kyekigul u ha Nyasaye ya sigamirangwa, henza, Hushai Muariki yadza kumwaganira, na ya li nelikoti lya tanduka, na ya li na marova ku mutwe gwigwe.

2 Samweli 24:20

Na Arauna ya henza, na a lola mwami navatumekiri veve, vadza kuye: Arauna ya twula, ni yeyinaminya imbiri womwami, mmoni mwimwe mwa henza hasi.

2 Samweli 4:10

lwa mulala ya mbolera, na a vola, Henza, Saulo u kudzi, naye a ganagana ya ndeteranga makuva malahi, nda mu gumira, ni mwiitira ha Ziklagu, yaga na madanyi ga nda mu ha kigira makuva gege.

Esther 4:16

Tsia, u vungidze Avayuda vosi ava veye ha Shushan, mu honge lilia kigira inze, mu vule kulia kinga kunwa kuduka madiku gavaka, ubudiku kinga mbasu: na inze navatugwa vange ku la honga lilia ndiyo; na ndiyo ndingira ku mwami, i veye inkuva i ta li kuli malago: ni mba ni ndiva, ndive.

Esther 5:1

Kunangwa ku lidiku lya kavaka, Esther yevika tsingubo tsitsye tsyobwami, na a singira mu mugidzi gwomugati gwenyumba yomwami, hi mbi nenyumba yomwami: na mwami yikala ku intebe yeye yobwami mu inyumba yobwami, himbi na ho kwingira henyumba.

Zaburi 66:3

Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.

Ezekieli 27:30

na va la kola myoyo gyavo gyi hulirwe ku ive, na va la lira nobululu, nokweyuhira ulugukyi ku mitwe gyavo; va la galagala mu ligoke:

Hosea 6:2

Inyima welidiku lyakaviri a la ku simugukidza: ku lidiku lya kavaka a la ku vukidza ku singire, ku la va mwoyo imbiri wewe.

Joeli 2:13

Mu tandule mwoyo, mu ta tandula tsingubo tsyenyu, mwirane ku Yahova Nyasaye wenyu; kigira uyu a veye netsimbabasi na livererera, si a vihirirangwa bwangu, a veye netsimbabasi tsinyingi, na yeganiranga ku kivi.

Matayo 12:40

Kigira kuli Jona ya li mmunda mwesudzi inene amadiku gavaka; kandi Mwana wa Adamu a la va ndiyo amadiku gavaka mmwoyo gwelirova.

Matayo 16:21

Kutwula inyinga yeyo Yesu ya tanga kumannya avegidzwi veve ga mu dukira kutsia Yerusalemi, kandi avakulundu, navasalisi vanene, navang'odi va la mu kupidza kivi nokumwiita, kandi ku lidiku li kola gavaka a la simugukidzwa.

Joshua 7:6

Ma Joshua ya tandula tsingubo tsitsye, na a gwa mammama imbiri welisanduku lya Yahova na a va ho kuduka inyinga ya mgolova, uyu na vakulundu va Israeli; veyuhira uluguki ku mitwe gyavo.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.

1 Samweli 20:41

Nonoho umuyai lwa ya mala kutsia, Daudi ya twulira ku luvega lwa Kusini, na ya gwa hasi mammama, naye yinama hali kavaka: na va busana, nokulilirana, uyu no uyu, kuduka Daudi na a kira.

1 Samweli 25:23

Na lwa Abigaili ya lola Daudi, ya kola bwangu kwika ku isukiri yeye, na ya gwa mammama imbiri wa Daudi, na yinama hasi.

1 Samweli 4:12

Nomulala ku Benjamini ya nyagula kutwula mu lihe, na a duka Shilo lidiku zana yilyo, naye ya tandula tsingubo tsitsye, na a vika budohi ku mutwe gwigwe.

1 Samweli 4:16

Nomundu zana ya volera Eli, Ni inze wa twula mu lihe, na nziruki lero kutwula mu lihe. Eli ya mu teva, Ga genda ndi, mwana wange?