2 Samweli 1:10 - KITABU KITAKATIFU

¹⁰ Ma nda singira himbi naye, ni mmwiita, kigira nda manya ligali si a nyala kuhona inyima weligwa lilye: na nda vugula itaji ya li ku mutwe gwigwe, nekisambo hya li ku mukono gwigwe, na mbi leti hano ku ive, munene wange.

2 Samweli 1:10 ပူးပေါင်းရင်းမြစ်များ

2 Samweli 1:16

Na Daudi ya mu volera, Masahi gogo ga veye ku ive, ku mutwe gugwo; kigira munwa gugwo gu ku lolekidii, ni gu vola, Inze nziiti mbake wa Yahova.

2 Samweli 1:9

Naye ya mbolera, Mwadza, singira hano himbi ninze, u nziite, kigira kivi kinene ki nyoye, kigira livamwoyo lyange li kikiri ligali mu inze.

2 Samweli 12:30

Na ya vugula itaji yomwami ku mutwe gwigwe; bulidihu bwayo bwa duka italenta indala yethahabu, namagina agobuguli budinyu ga li muyo; nayo ya vikwa ku mutwe gwa Daudi. Na ya vugula vilanye vyelidala, vinyingi ligali.

2 Avami 11:12

Hene yaho ya leta mwana womwami, nokumuvika itaji ku mutwe gwigwe, nokumuha lilolekidza; ni va mu kola mwami, ni va mbaka maguta; ni va kong'onda makono, nokuvola, Mwami a ve mwoyo.

Lisyoma lya Jeremia 5:16

Itaji yaguluki kutwula ku mitwe gyetu: O bayaye ku kwinye kigira ku koli ubwoni.

Matayo 7:2

Kigira likalagira lya mu kalagira, mu la kala girwa nalyo: na mugero gwa mu gera, nagwo mu la gererwa ku.

Vakalagi 1:7

Na Adonibezeki ya vola, Avami makumi gatano nagaviri ava kalagwa videte vyavo vinene nevino vyavo vinene, va dola vyokulia vyavo isi wemeza yange: kuli nda kola Nyasaye u ntungi ndiyo. Na va mu leta Yerusalemi, na a kudzera yo.

Vakalagi 9:54

Hene yaho ya langa bwangu musoleli wa ginga vyuma vivye, na a mbolera, Somola kivavi, u nziite, avandu va vule kuvola ku inze, Mukali ya mwiita. Ma musoleli wewe ya mu tumita, na a kudza.

1 Samweli 22:18

Ma mwami ya volera Doegu, U girunkane, u gwire avasalisi yava. Ma Doegu Muedom ya girunkana, na a gwira avasalisi, na ya viita ku lidiku yilyo avandu makumi gatano nagavaka na vatano avevika kisibao kyengubo yekatani.