2 Petro 2:3 - KITABU KITAKATIFU

³ Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.

2 Petro 2:3 ပူးပေါင်းရင်းမြစ်များ

Ayubu 6:27

Yee, mwinye mu yanza kukola ikura ku avabisandu, Nokukola mulina wenyu kuva vyokukirannya.

Zaburi 18:44

Lwa va hulira makuva gange nonoho va la mbugirira; Avageni va legehidza avene ku inze.

Zaburi 66:3

Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.

Zaburi 81:15

Yavo ava dunyira Yahova nkano vegehidza kuye: Navutswa tsinyinga tsyavo tsi la menya mihiga nemihiga.

Isaya 5:19

navo ava volanga, A kole bwangu, yanguhidze miyinzi gyigye ku gyi lole; na makuva go Mutakatifu wa Israeli gesunde himbi gadze, ku ga manye

Isaya 56:11

Yee, tsimbwa yitsyo tsi veye tsimpuvali kazozo, si tsi nyola liguta mba; kandi yava va veye avayi ava ta manya kindu: va girunkani sa mulala kulonda inzira yeye mwene, sa mulala ku vyambeti vivye, kutwula ku tsimbega tsyosi.

Isaya 60:22

Mukekeke a la gwa elfu, na mulala mukekeke a la va ihiri yetsingulu: Inze, Yahova, nda kola bwangu inkuva yiyi ku inyinga yayo.

Jeremia 6:13

Kigira kutwula ku muke keke wavo kuduka ku munene wavo sa mulala a londanga likayirwa; kandi kutwula ku muprofeti kuduka ku musalisi sa mulala a kolanga ubu gadi.

Jeremia 8:10

Kigira yaga nda haana avakali vavo ku vandu vandi, nemilimi gyavo nda haana ku yavo avameha kuvo: kigira sa mulala kutwula ku mukekeke kuduka ku munene va londanga likayirwa; ku twula ku muprofeti kuduka ku musalisi sa mulala a kolanga agobugadi.

Ezekieli 13:19

Na mwinye mu lononnya inze hagati ha vandu vange kigira tsimpi tsyeshairi kandi kigira amadonye gobukima, kwiita myoyo gya yava ava ga ta dukira likudza, nokuhonnya myoyo gya yavo ava ga ta dukira kuva mwoyo, ku livehera avandu vange ava huliranga bubehi bwenyu.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Habakuk 3:3

Nyasaye yadza kutwula Teman, Mutakatifu yadza kutwula mu kigulu kya Parani. (Selaha Ubukumi bwibwe bwa kunika ligulu, Na lirova lizula lidzominywa lilye.

Malaki 1:10

Nkano ha veye ho mulala hagati henyu wetegeki kuhana miliango, mu vule kuhambidza muliru vutswa ku bwali bwange si mu yanzeka ku inze mba, Yahova wa mahe a vola, kandi si mbugirira kihaanwa kali kilala mu makono genyu.

Matayo 23:14

O Bayaye bu veye ku mwinye, avang'odi na Vafarisayo, avagadi kigira mu mira tsinyumba tsya vakunzakali, nokwelolekidza mu saala masaala matambi: kigira yaga likalagirwa lyenyu li la va budinyu kuvita vya avandi.

Luka 18:8

Mmu volera A la va kalagira bwangu. Navutswa Mwana wa Adamu lwa a li duka, a la nyola lisuuvira mu lirova?

Luka 20:20

Ma va mu linda, ni va tuma avaluti, avekola kuva avalungi, va duke kuvugula amakuva gege, va duke kumuzama ku serikale noku tsingulu tsyogovuna.

Luka 22:47

Na a ki vola, henza, kiduma, kandi uyu wa langwa Yuda, mulala ku va li likumi na vaviri, ya vimirira; kandi yisunda himbi ku Yesu kumubusa.

Yohana 2:16

na a volera ava gula makuulu, Mu twulidze vindu yivu yimu; mu ta kola inyumba ya Dada, inyumba yokugulana.

Varumi 16:18

Kigira ava veye ndi si va tumekira Kristo Mwami wetu, navutswa va tumekira inda yavo, kandi va gada myoyo gya yava ava ta li nobudamano ku livola lyavo lidoto.

2 Vakorintho 2:17

Kigira kwinye si ku veye kuli avanyingi ava tsukannyi amakuva gandi mu makuva ga Nyasaye, navutswa ku veye kuli nageligali, imbiri wa Nyasaye, ku vola ku Kristo.

Kwidzulitsa 24:17

U ta kyaminya likalagirwa lyomugeni, kinga mbisandu, kandi u ta vugula ingubo yomukunzakali kuva kihambiriru;

Kwidzulitsa 32:35

Kisalya ni kyange, nokutunga, Inyinga yekirenge kyavo ki la terera: Kigira lidiku lyekivi kyavo li veye himbi Nevindu vi veye kuduka kuvo vi la kola bwangu.

1 Vatesalonike 2:5

Kigira tsinyinga tsyosi si kwa loleka kutumekira amakuva gokwidzominya ligali, kuli mu ma nya, nekyokuvisa likayirwa lidamano Nyasaye a veye muloli;

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.

1 Timoteo 3:3

a ta va muhambiki, a ta va wekizalo; navutswa a ve muhooma, a ta va mutindi, u ta yanza ifetha;

1 Timoteo 3:8

Kandi ndiyo avatumiki velivugana ga va dukira kuva nobugoosi, va vule kuva netsinimi tsiviri, kandi va vule kunwa iwaini inyingi, kandi va vule kukayirwa vyambeti vi ta dukani navo;

1 Timoteo 6:5

nelihing'ana lyavandu, voneika ubugeeri navo va daki ageligali, va ganagana litibwa lya Nyasaye li veye inzira yevyambeti.

Tito 1:11

ava ga dukiranga mi nwa gyavo gyi kunikwe; va veye ava i tung'aminyanga avetsinyumba vosi vegidzanga vindu vi ta dukana kigira vyambeti vidamano.

Tito 1:7

Kigira muhenzi ga mu dukiranga a ta va nekindu kuye, kuli mulindi wa Nyasaye; a ta va muhindagiridzi, a ta va u vihirirwa bwangu, a ta va muhambiki, a ta va mukuyi, a ta va mukayirwi wevyambeti vidamano;

1 Petro 2:8

Kandi, Ligina lyokwikigitalidza, nolwanda lwokwikigitalidza; Kigira vikigitala ku likuva kigira va vula kubugirira: ava vikwa va duke ku likuva yilyo.

1 Petro 5:2

Mu linde kyayo kya Nyasaye ki veye ku mwinye, nokukihenza, ga ta va ku linigwa, navutswa ku mwoyo gwobuyanzi, kuli ubulaliri bwa Nyasaye: kandi ga ta va kigira linyola ubutugi budamano, navutswa nomwoyo gwobugulu;

2 Petro 1:16

Kigira si kwa londa tsing'ano tsya lombwa nobugeeri, inyinga kwa mu mannya tsingulu tsyelidza lyo Mwami wetu Yesu Kristo, navutswa kwa li avaloli vobunyale bwibwe.

2 Petro 2:1

Navutswa kandi va singira avaprofeti avobubehi va twula mu vandu, kuli ndiyo va la va ho mu mwinye avegidzi vobubehi, ava li leta kalaha lyekala vidieli vyobugotidzi ni vambakana Mwami wa va gula nokweletera avene ubudivi bwa bwangu.

2 Petro 2:9

Mwami a manya inzira yokuvahonnya mu ligeridzwa ava mu tia, nokuvika avadamano mu kivi kuduka ku lidiku lyelikalaga;

Yudasi 1:11

O bayaye bu ve kuvo kigira va londa inzira ya Kaini, nokunyagulira ligali lihyolo lya Balaam kigira madanyi, nokudiva mu bwebaali bwa Kora.

Yudasi 1:15

a kole likalaga ku vosi nokulang'aminya vosi ava vula kutia Nyasaye kigira miyinzi gyavo gyosi midamano gya va kola, ku livula kutia Nyasaye, kandi kigira vindu vyosi vidinyu vya voni va vula kutia Nyasaye va volanga kuye.

Yudasi 1:16

Yava nivo avamonyi naviliriri, ava gendanga kuli likayirwa lyavo avene (minwa gyavo gyi volanga amakuva manene naga vimbanga), velidzanga avandu kigira linyola kindu.

Yudasi 1:4

Kigira ha veye navandu valala ava seta kwingira galaha, ava tanga kung'oderwa likalagirwa yili, ava vula kutia Nyasaye, ava girunkannya tsimbabasi tsya Nyasaye wetu tsi duke kuva kifwabwi, avambakana nga Munene wetu muderwa naye no Mwami wetu Yesu Kristo.

Yudasi 1:7

Kuli Sodoma na Gomora, namadala yago ga li ahimbi nago, lwa va mali kwivika mu litsia mbakana, nokulonda mibiri gyindi, kufwana yago, aga vikeywi habulavu ga ve kyokuhenzera ku mu busaliri bwomuliru bwemihiga nemihiga.