2 Kyetsinyinga 26:3 - KITABU KITAKATIFU

³ Uzia ya li wemihiga likumi na gyitano na mulala lwa ya tanga kwameha; na yameha mihiga makumi gatano na gyiviri mu Yerusalemi: na lieta lya mama wewe lya langwa Jekilia, wa Yerusalemi.

2 Kyetsinyinga 26:3 ပူးပေါင်းရင်းမြစ်များ

2 Kyetsinyinga 26:2

Uyu niye wombaka Elothu, ya lirannya ku Yuda, lwenyima mwami ya mala ku gona halala navaguga veve.

2 Kyetsinyinga 26:4

Ya kola agobulungi mu tsimoni tsya Yahova, kuli gosi ga Amazia dada wewe ya kola.

Isaya 1:1

Yaga na malola ga Isaya mwana wa Amozu, ya lola ku makuva ga Yuda na Yerusalemi, mmadiku ga Uzia, na Jotham, na Ahazu, na Hezekia, avami va Vayuda.

Isaya 6:1

Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli.

Hosea 1:1

Likuva lya Yahova lya duka ku Hosea mwana wa Beeri, mmadiku ga Uzia, Jotham, Ahazu na Hezekia, avami va Buyuda, nomu madiku ga Jeroboam mwana wa Joashu, mwami wa Israeli.

Amosi 1:1

Makuva ga Amosi, wa li ku avayi va Tekoa, ga ya lola ku Israeli mmadiku ga Uzia mwami wa Yuda, nomu madiku ga Jeroboam mwana wa Joashu mwami wa Israeli, mihiga gyiviri imbiri welidegera lyelirova.

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.